Thil fate si ko hmanh sehlaw…

“Jesuh Khrih hi kan kawlram ah a chuak mi rak sisehlaw cu vancung Pennak kong he pehtlai in bianabia a chim tikah hin anttamci he tah chunh loin bungkung he a tah chunh men lai” tiah siangbawi pa pakhat nih a chim bal. Anttamci siseh, bungci siseh, an ci te cu an fa ngai cio ko nain an kung an lianh ning kha a chim duh mi a si.

Vawlei cung i dirh mi vancung Pennak (bupi)hi mi tlawm te (12) le a fa ngaimi phu in sermi a rak si ko nain, vawlei cung phu le bu vialte lakah a lian bik mi bu a hung si.

Nihin ni bupi nih a kan thiam piak mi cathiang(Matt 13:31-35) chung i an ttamci bianabia nih a chim duhmi cu tthanchonak kong kha a langhter duh mi  le a chim duh mi a si i, thilnu bianabia zong hi karhnak a langhter duh mi a si. Vancung Pennak(Bupi) cu minung a si mi kan mah pakhat cio in sermi le dirh mi bupi a si. Hi bupi a tthacho chin chin khawh nak hnga ding caah le a member a karh chin chin khawh nak hnga ding caah Thumkomh Pathian min in tipilnak a ing cang mi Khrihfa pakhat cio nih rian kan ngei cio hna.

Nang le kei nih, Jesuh Khrih tehte kan khaannak thawngin A bupi a tthanter tu le a kharhte kho tu kan si ve cang hna maw?