Thlarau Nunnak Changreu

“Ka sa a si i ka thi a dingmi paoh nih zungzal nunnak an ngei i hmanung bik ni ah nunnak ah ka thawhter hna lai.”

Dawtmi u le nau hna, nihin kan theih mi thawngtha bia (Jn 6:52-59) chung kan zoh tikah Bawipa nih “A thi le a sa a ei mi paoh cu zungzal in an nung lai” tiin biakam nak a tuah. Taksa lei kan zoh a si ah cun hi vawlei cung kan nunnak caan hi caan tawi te lawng a si. A thi ding mi lawmg te kan si ko hna. Thih te lai ding theih ko bu in micheu khat cu zeitikhmanh ah a thi kho ti lai lo ding mi bangin an um an kal hna. Pathian zong theih lo a cawnpiak nak hna zong i theihter duh lo in a um mi zong an tam.

Nunnak kong he pehtlai in Kawl ram catial thiam Saya Kyi U Aung Tin nih a chimmi cu: “Nunnak timi cu kan chuah ka in kan thih tiang te lawng hi a si” tiah a ti. Sihmahsehlaw, Khrihfa hna caah hin teh “Nunnak” timi hi zeitin dah kan cohlaan ning a si ve hnga? Taksa he thlarau he thihnak in a tho than mi kan Baiwpa Jesuh Khrih nih bia a kan kamh mi hi Khrihfa hna caah cun kan i ruahchan nak lianbik a si ko. Vawlei nunnak a dih hi Khrihfa hna caah cun nunnak a donghnak a si lo. Zungzal nun nuamhnak Vancung ram hi kan target a si ko.

Nikhat cu kan thi dih tak te ko hna lai. Sihmanhsehlaw, Bawipa sinah zungzal nunnak a um timi hi thei zungzal hna u sih. Bawipa nih a thi le a sa nifatin cohlaan dingin Bawipa nih a kan sawm. Bawipa nih a kan sawmnak hmun ah kal khawh i zuam zungzal hna u sih.

Add new comment

3 + 5 =