TINHNAK TUNG LAM HNA

TINHNAK TUNG LAM HNA

        Asang a ṭhami tinhnak tung pakhat kha muisam serchuahnak ah a saupi mi caan pek a hau. Kan ngakchiat lio, pakhat lente kan rak i celh lio ah pawng kam nih amah kha zeitin pungsan in dah an ka hmuh timi thinphan thlalaunak zeihmanh um loin zumhnak khat he kan rak ṭuan tuah buin kan mang hna muisam kan rak serchuah khawh kho i cinken zungzal uh ti kan duh hna.

          Na zumh duh ah zumhlaw, na zumh duhlo zongah na um kho ko. Mang ṭha tete manh hnik manh. Nangmah cu ahlan nakin ahleice mi pakhat na si kha na hmuh lai i na cohlan te ko lai.

          Na mang hna nih biatak tein a rak can kha na hmuh lai. Pumpak tuahmi tinhnak hna ngeih i, mah tinhnak hna cu ahar i athuk bantukin a si lai. Sihmanhsehlaw biatak tein a rak cang taktak kha na hmuh lai.

          Hmasabik ah mah nih si duhmi nunnak kha fiangfai tein hmuhtheih a hau. Mah nih si duhmi nunnak ah kaarhlan khawhnak ding sining zong i theih a hau. Cupinah ka si kho lai, ka tuah khawh lai timi thinlung duhfahnak chiah a hau. Cudot ah phanh i a theipar tampi tlai dingah a herhmi kekar, karkhat hnu karkhat kan hlaan lai, tiah Ben Sweetland nih a chim.

          Ben Sweetland nih na nunnak ah ngeih na duhmi na mang cheukhat hna kha hitin a canghter. Inn lothar, a ṭhami inn, ṭhutdan cabuai (thilri), motor, tangka hna thinphannak zeihmanh umlo in thadam tein um khawhnak tiin vawlei nunnak ah nunnak humhimnak na herh ko lai ti a fiang.

          Cuve bangin ngandamnak, thluak ṭhatnak, thinlung damnak, pumsa damnak tiah taksa lei he pehtlaimi zanmang na duh lai ti cu biahalnak tuah aherh lem lo.

          Zatlang nunphung zongah rian ṭha hmuhnak, hruaitu hna i upat hmaizah hmuh duhnak, Innchungkhar le chungkhat-pawngkam duhdawt papek hmuh duhnak, mikip he ṭhatein hawikomhnak hna cu ngeih duhmi zanmang hna an si.

          Hika zawnah Thlarau lei he pehtlaimi tinhnak tung hna ruahchih ahcun mah le Pathian pehtlaihnak sualnak he i hlat in ṭihphannak he i hlatnak, mah zumhmi biaknak cungah lungtho tein rianṭuannak ah lunglawmhnak, mah he aa komhmi hna kha zohchunhawk tlak simi hmuhsak khawhnak tiin, kha thil hna kha ngeih duhnak zanmang hna na ngeih lai a si ko lo mei?

          Cunglei i konglam hna he thlaichunh in, nangmah cu zeibantuk dirhmun ah dah na um? Nangmah cu naa tinhnak a sangmi ah kaar a hlangmi na si maw? Mah tin asiloah cun atu in thawk tuah. Asang i a thiangmi tinh tung i chiah tuah. Nangmah cu teinak a hmumi (teitu) pakhat na si khawh ko lai.