Vancungmi hna le Pum Thawhthannak

Photo Credit

Khrihfa mi hna cu Pathian a bia mi kan si. Pathian a bia mi kan si caah Pathian nawlbia hna le cawnpiak mi hna kha a zum i a zulmi kan si. Khrihfa ka si tiah aa timi hna nih vancungmi hna an um kan zumh lo a si ah cun Pathian program hna le a kan cawnpiak mi hna kha a zummi kan si tiah kan i ti kho lai maw?(Lk 1:28, Act 5:20).

Sadusi mi hna cu Moses tialmi cathiang uk 5 lawng kha a cohlang mi an si. Moses tialmi cathiang hna chungah Pathian pekmi nawlbia hna an um kha kan hmuh khawh. Asiahcun Sadusi mi hna hi Pathian nawlbia a cohlang tak mi an si tiah kan ti kho hna hnga maw? Cupin ah thih hnu thawhthannak zong a cohlang lomi an si fawn. Cuasicaah cun pei Jesuh Khrih kha anmah dirhmun in biahalnak an rak tauh nak a si cu(Lk 20: 27-40).

Jesuh Khrih nih thih hnu thawhthannak a umnak kong a kan cawnpiak. “Annih cu vancungmi bantuk an si i an thi kho lo. Annih cu thihnak in thawh thantermi an si cang caah Pathian fa an si”(Lk 20:36) tiah Jesuh Khrih nih fiang tein a kan cawnpiak. Fiang deuh in kan chim a si ah cun, Jesuh Khrih thihnak in a thawh than bantuk in kan si te lai. Kan si tak te lai dingmi kha Jesuh Khrih hrimhrim nih a zultu hna hmai ah voi tampi a langhnak in a kan hmuh sak.

Khrihfa kan sinak ah hin i lawm hna u sih law Pathian cungah zumhnak kan ngeihmi le hmailei a si te hnga dingmi kan i ruahchannak hna ah hin zumhfek tein um peng hna u sih. “Zumhnak ngeih kan ti hi, kan i ruahchanmi kan hmuh theo lai ti kan zumh le a taktak le a ngaingai a simi thil kan mit in kan hmuh khawh lomi hi an um ko ti kan zumh hi a si”(Heb 11:1).

Add new comment

20 + 0 =