ZARHKEL (26) NAK ZARHPI NI

SEPTEMBER 27, 2020

Voikhatnak Bible - Ez.18:25-28

Salm - 25:4-9 (leh. 25:6)

Voihnihnak Bible - Phil. 2:1-11

Thawngttha bia - Mt .21:28-32

• Voikhatnak Bible chung kan hmuh mi ah, miding pa nih dinnak mertaak in sualnak lam a zulh ahcun a thi ko lai, misual pa nih a sualnak kal taak in dinnak lam a zulh ahcun a nung ko lai a ti. Bible nih thih le nun a ti mi hi kan hngalh awk ding cu, kan thlarau ca tu i a chim duh mi khi a si. Minung nih kan nun lio ah sualnak zong kan tuah kho i dinnak zong kan tuah khawh. Zungzal a nung hnga ding mi kan thlarau caah a herh bik mi cu atu kan nun lio i kan zulh mi lam hi a si ko, Thlarau thihnak lam maw na zulh lai, thlarau nun nak lam dah?
• Nihin Salm hla chung kan hmuh mi cu, kan sualnak caahngaihthiam halnak kong le Bawipa nih a kan dawtnak caahlawmhnak chim ding; cun tang dawrnak thinlung ngeih dinghi biapi ngai in a kan chimh. Bawipa nih a duh bik mi thinlungput cu tangdawr hi a si. Mitoi i aa dawr mi cu lam ding in ahruai hna i a duhnak kha a cawnpiak hna.
•  Voihnihnak kan rel mi Bible zong nih tangdawrnak thinlungngeih ding le Khrih lung put i cawn ding a kan chimh. Jesuhhrimhrim nih tangdawr in a nung cang i Pa nawl kha thih tiangin a ngaih. Sal sinak kha aa laak i mi toi ah aa dawr. Jesuh niha nunnak hi a sullam cu, ka nunzia hi a ka zultu hna le a ka biatu hna nih i zohchunh hna seh tiah lam a kan hmuhsak mi a si.
• Khrihfa nunzia le lungput ti mi hi zei ko khi dah a si hnga?Duhpaoh in khuasak, tintuk, ngaihthiamnak le zawnruahnakum loin mah siaremnak lawng in nun, Khrihfa ka si caah minih an ka upat lai, harnak ka tong lai lo, ka nun chung kaanuam zungzal lai tbk... sisehlaw a nuam ngai hnga. Asinainmah nuamhnak hna kha chikkhat te ca lawng an si. Caansau anguh lo. Hi vawleicung kan nun chung i kan nunzia le kanlungput a si hnga ding mi cu zungzal nun nuamhnak cuanh inpangpar phah mi lam zulh loin hling le so he a khat mi lamcungah kan kal ding a si .
• Ni hin Thawngttha bia kan zoh ahcun, a pa nih rian a fial mifapa pahnih kong kan hmuh. Lo kal a fial tik hna ah pakhatnih cun, ka huam lo a ti ko nain khua a ruah tthan tikah a pafial mi rianttuan lo cu a lung sia a rem lo i lo ah a kal. Asinainpakhat cu, ee ee, ka kal ko lai a ti riang maang i kal lo in a umziar ko. Tuchan kan Khrihfa sining zong hi a tam deuh cu ee,ee, ka kal ko lai ti i a kal lo mi kan tam deuh men lai. Kan kaacun Bawipa Bawipa, Bawipa min cu thang`hat si ko seh,Haleluia, Amen, a ti mi lawngte kan si ko. Bawipa duhnak hi zeidah a sit i cu kan tuak in kan ruat hrimhrim ti lo. Nang le kei tah Pathian duhnak a ruat i a tuah mi maw kan si, kan kaa lawng in Bawipa Bawipa a ti mi dah kan si? Fak deuh in khuaruah a cu cang lo maw hawi dawt.