ZARHKEL AVOI (13) NAK ZARHPINI

ZARHKEL AVOI (13) NAK ZARHPINI JUNE 28, 2020

Voikhatnak Bibal - 2Kg 4:8-11,14-16

Salm - 89:2-3,16 -19 (leh 89:2)

 Voihnihnak Bibal - Rom 6:3-4, 8-11

Thawngttha bia - Mt 10:37-42

* Jesuh nih biatak tein a kan chimh mi cu, nunnak sungh hmasa lo cun nunnak taktak hmuh tthan khawh a si lo ti hi a si. A chim duh mi cu, Keimah nakin a nu le a pa, a fanu le a fapa, a duh deuhmi cu keimah he an i ttaan lo, nunnak taktak an hmu kho lai lo a ti. Cu lengah a vailamtung aa put lo mi zong nunnak an hmu lai lo a ti rih.

* Vailamtung put timi a sullam cu temhinnak tuar tinak a si i, Jesuh caah temhinnak kan tuar a hau. Khrihfa ka si caah kei cu Pathian nih thlachuah a ka pek lai i a zungzal nuam tein ka um lai, harnak zeihmanh nih a ka tlunh lai lo, tiah kan ruah sual ah cun palh nganpi kan palh a si lai. Aruang cu Pathian hngal lo mi bantuk in duhpoah khuasa ding kan rak si lo. Khrihfa si hi a har ngaingai mi thil a rak si. Jesuh keneh zulh kan hau.

* Voikhatnak Bible chungah, Profet a bawmchantu le a zohkhenhtu cu Profet thluachuah an hmuhnak kong kan hmuh. Cucaah cun Pathian rian ttuantu hna pawl hi biatak tein kan zohkhenh kan bomhchanh hna a hau.

* Khrihfa kan sining kan zoh tikah Khrih hrimhrim nih hin hawikom ttha ah a kan ser i sualnak ruangah kan ngeih mi kan leibaa vialte a kan thenhpiak dih i vancung ram co ding ah Roco tu sinak min a kan pek.

* Atuchan Khrihfa cheukhat nih cun Tipilnak hi lentecelh in kan i celh. Voihnih thum te hna tipil kan ing. Tipil in a sullam cu Jesuh thihnak ah kan thi ve i a thawhtthannak ah kan thotthan ve lai tinak sullam a si (Rom 6:4). Jesuh cu kan caah voikhat lawng a thi i voikhat lawng a thotthan; voihnih thum a thi in a thotthan lo.