ZARHKEL AVOI (24) NAK ZARHPI NI

Voikhatnak Bible -Ex.32:7-11,13-17 

Psalm  - 51 : 3 - 4, 12 - 13, 17, 19 (Lehnak Lk. 5:18) 

Voihnihnak Bible - 1Tim. 1 : 12 – 17

Thawngṭhabia - Luke 15 : 1 - 32 

RUAH DING TETE HNA

1. Minung nih Pathian kha kan kaltak zongah Pathian nih cun zeitik hmanh ah a kan hlaw bal lo. Sualsal i kan can zongah zeitik dah ka fa hi a rak kir ṭhan te lai tiah lungsau thinfual te in a kan hngah zungzal ko. Asinain sual i ngaihchih a hau. Sualnak chung kan um lio ah Pathian nih kan duh na lo in hramhram in a kan au lai lo. Mah lungtho te in a sin kan kir ṭhan lawngah a kan cohlan lai. 

2. Fapa tlau pa kan zoh ahcun, a pa sin phaisa a hal lio ah a pa nih a thloh lo. A pek ko. Khuazei a phak, zeiah phaisa ahloh ti zong a hlat lo. A fapa nih a duh ningte in zalong tein khua a sa. Sihmanh sehlaw caan sau nawn a roh tikah cun vawlei cung thilri le phaisa cu zeihmanh a si lo zia a lang.

3. Fapa tlau nih harnak ngaingai a vun ton, bochan awk ngei lo, khuaruah har vansang in vawlei cungah a vun nun tikah van a zoh ah a sang, vawlei a zoh ah a pit, khuaruahhar vansen sang taktak in a nung. Mah lio caan ah khan sual i ngaihchih i a pa sin kir ṭhannak lungthin te a rak ngeihmi te le a zumh bang in a kir ṭhannak nih a nunnak cu a khamh. 

4. A upa kan zoh ahcun minung sining te in nahchuahnak a ngei. Khakha Pathian duh lo mi a si. Mah bantuk ruahnak ngeih mi nih khan ṭhatnak lam zulh dingah a kan dawntu a si. 

5. Pathian cu minungnak in dawtnak tampi a ngeitu le ngaihthiamnak tampi a ngeimi a si. Asinain zeitin ka um poh ah Pathian nih a ka ngaihthiam ko lai. A fapa pei ka si cu tiah ruah i mah duh ning in kan um ahcun (or) a duh lo ning in khua kan sak ahcun a kan au ṭhan ti lai lo. Fapa tlau nih apasininakalahkhanapanihathlohlobantukasiko.Asinainkapa ka sual tuk tiah ngaihthiam a hal tikah a cohlan ṭhiamṭhiam ko. Khrihfa ka si, khamh kaa fiang cang ti men in duh poh khua sak, tintuk, Pathian nih a ka khamh te ko lai, Bawipa cu a ṭhatuk mi a si, kan ti sual ahcun phaisa tampi he mah duhnak ah a kal mi fapa tlau bantuk kan si lai i, harnak kan ton zongah a ka khamh te ko lai tiah lunghah in kan um ahcun a tlau taktak mi, kirṭhan a hngal ti lo mi a pa sin a phan kho ti lo mi kan si ko lai. 

6. Cucaah cun sual i ngaihchih i sual man liam, sualthlahnak tuah in amah sin kirṭhan lo ahcun Jesuh nih ṭaṭa a kan ti ko lai.