ZARHKEL VOI (14)NAK ZARHPI NI RUAH AWK TETE

Voikhatnak Bible - Is. 66:10-14

Psalm - 66:1-7, 16, 20 (Lehnak 66:1)

Voihnihnak Bible - Gal. 6:14-18

Thawngthabia - Lk. 10:1-12, 17-20

RUAH AWK TETE

- Khrihfa timi a sullam cu Khrih ngeih kha a si. Paul nih a chimmi cu ka takpum cung i hmelchunhnak kangeihmi cu Jesuh a si a ti.

- Tipil na in lio i Thiang Thlarau `hawnnak pek na si mi kha fekte in fimhlawm zungzal. Ahohmanh nih in chutkho hna hlah seh, mah nih khan lung daih hnangamnak le lawmhnak an pek zungzal lai.

- Jesuh nih zultu 12 a thimmi a sullam cu Israel miphun 12 kha aiawh tu an si i 72

a thim thanmi hna kha cu vawlei miphun dihlak caah a si ti duhnak a si. 12 x 6 = 72 mah 72 hi

Israel miphun chung aa then chinmi phunfa tete zong kha a sawh i vawleicung mi vialte a huap dih fawn (Gen. 10:1-32 chung rel law a fiang lai).

-  Aho sinah dah thawngtha kan phuan lai. Jesuh kong a thei bal lomi sinah le Jesuh lungput a ngei lomi hna kan u nau hna sinah phuan ding a si.

Jesuh nih a kan duhpiak mi cu;

- Minung i bochan lo ding

- Lungawtawm lo tein amah cawnpiak mi zulh ding

- Ralthat ding

-Amah Jesuh a thawnnak ngeihnak thawngin zultu hna bantuk in lungdaih hnangam le vancung ah mintial sinak khan i lung hmuih zungzal ding.