ZARHKEL VOI (16) NAK ZARHPI NI

Voikhatnak Bible - Gen. 18:1-10
Psalm - 15:2-5 (Lehnak 15:1)
Voihnihnak Bible - Kolos 1:24-28
Thawngthabia - Luka 10:38-42

RUAH DING MURU TETE

1. Jesuh nih a kan duhpiak bikmi cu amah kha zungzal kan khualtlung si dingin cohlaan thiam ding a si. Abraham zong kha a khualtlung hna cungah chawnhbiak a thiam ngai mi a si. Pathian cu a mithiang pahnih hna he Abraham thlam an len tikah Abraham cu aa lawm tuk. Aa lawmh bantukin thluachuahnak zong pek a si. Cohlaan a thiamnak i a theipar cu ahmai kum ah fapa pakhat pek a si nak ah kan hmuh khawh.

2. Martha le Mary an khualtlung zoh khenh ning;
- Martha cu Jesuh le a zultu hna rawl dangh dingah a rian a buai ngai.
- Mary cu Jesuh kehram ah dai tein a tthu i Jesuh chimmi hna kha ttha tein a ngaih hna.
- Jesuh le a hawile cu an zapi in pa 13 an si tikah, Martha cu manh lo ngai in Jesuh le a zultu le hna caah eidin a chuanpiak hna.

3. Jesuh nih Martha a timi cu, zeidang thil caah na thin a phang na lungre a thei, sihmanhsehlaw na baumi pakhat te a um. Cucu vancung Pennak chung luh ding hi a si. Vawleicung thil a herhmi vialte nak nak in a biapi deuhmi cu vancung Pennak hmuh dingah Pathian bia ngaih le theih hi a biapi deuh a ti.

4. Jesuh nih cun kan innchung khorkhar ah umpi zungzal a kan duh. Thlacam in Jesuh kan auh zungzal a herh. A rat tikah kan herhmi zeizong vialte a kan pek ve lai.

5. Khrihfa hna nih Jesuh temhinnak a tuar tikah kan kaltak tawn. Asinain Jesuh cu harnak kan ton tikah kan pawngte ah a kan umpi zungzal tu a si. Kan pawngte ah Jesuh a um kha kan hngal tawn lo. Har caan ah siseh, lawmh caanah siseh, a zungzal in Jesuh kha kan pawngte ah a um zungzal ko ti hi zeitikhmanh ah philh lo ding a si. Asinah kan herhmi hal dingtu kha kan rian a si.