ZARHKEL VOI (22) NAK ZARHPI NI 

Photo Credit

- Sirach 3 : 17 - 20, 28 - 29
- 68 : 3 - 6, 9 - 10 (Lehnak 68 : 9) 

- Heb. 12 : 18 - 19, 22 - 24
- Luke 14 : 1, 7 - 14 

Sarach 3 : 17 - 20, 28 - 29 

Ka fa na rian ṭuannak hmunah zaangfah thiammi va si ko. Nun siang ngaiin a petu nakin dawt deuhmi na si te lai. Nangmah cu na lianngan deuh poah ah, mi toi ah aa dawr deuh chinmi va si ko. Mah ti cun Bawipa i dawtkhunnak kha na hmuh lai. Zeitintiah Bawipa ṭhawnnak cu a ngantuk ko nain mi toi ah aa dawrmi hna upat peknak kha a cohlan tawn. Mi pawrhlawpa zawtnak ahcun damternak a um lo. Zeicatiah thil ṭhalo kung nih khan mah ka ahkhan hram a thlak cang. Ruahnak ṭha a ngeimi lungthin nih cun tahchunhnak bianabia hna a chim lai. Mifim hna nih cun phungbia le tahchunnak bia hna ah fimthiamnak an cawn. Ṭhate in an ngaih, a ruang cu cawn le hngalh an duh. 

 

RUAH DING TETE

1. Vawlei cung minung ahohmanh nih tangbik si le hnubik si cu kan duh cio lo. Hihi vawlei cung sining cu a si. Saangngai hngalngai um kan duh tikah midang pawl kha kan hnawrsuan ṭheu tawn. 

2. Siangpahrang hmai ah vaa pawrhlaw hlah, Milianngan mi hmunhma zong vaa lak hlah. Aruang cu nangmah nakin a sang deuhmi an um rih i a niamnak ah va kenhnak in a sang deuh ahhin ra tuah tiah Bawi lianngan pawl hmai i auh cu a ṭha deuh (Phungthlukbia 25:6-7). 

3. Adik a hmaanmi tangdornak timi cu zeikhi dah a si. Aphi chuak cu, hawidang nakin ka sang deuh, ka hmedeuh hleilo ti i ruah khi a si lo. Mah le mah zapi hmaiah caan tlawmpalte chung sining hei i philh chung khi a si. Tangdor timi cu Pathian nih a kan hmuh ning tein mah le mah i hmuh thiam kha a si. Tangdor timi cu biachim holh rel, rianṭuan tikah velhlei, ziarzaar tel loin thil a sining te chim rel, tuahser zong khi a si. 

4. Tangdornak nih a chuahpimi cu, minung pakhat i lianngan sunparnak hmuh dingah a hrampi a si. Cu lengah dinfelnak, nunnemnak, hawi dang caah pekchanhnak lungthin ngeih dingah lam a kan hruai. 

5. Kan Bawipa Jesuh cu, "Pathian sinak kha a ngei zungzal mi a si ko nain hramhram in Pathian tluk si awk kha cuh awkah a rel lo. Amah lungtho te tu in cu vial cu a hlawt dih i sal sinak tu kha aa lak, minung bantuk ah a cang i minung mui in a lang, mi toi ah aa dor i nawlngeihnak lam kha thih tiangin a zulh, vailam cung thihnak. Hi ruangah hin cunglei a sannak bik hmunah khin Pathian nih a cawi i min vialte lakah a nganbik min kha apek" (Philip 2 : 6 - 9)
6. "Maw Bawipa duhfah hakkauhnak le pawrhlawt ruamkainak a si mi sual sal chungin ka luat nakhnga caah nangmah cu salah na cang. Minung tangdornak na ngeih bantukin kei zong nih ka ngeih khawh ve nakhnga ka bawm hram ko sawh" tiah thla kan cam peng ding a si.

 

 

Add new comment

3 + 0 =