ZARHKEL VOI (23) NAK ZARHPI NI 

- Fimnak  9:13-18
- Psalm  90:3-6, 12-14, 17 (Lehnak 90:1) 

- Philimon. 1:9-10,12-17

- Luke 14:25-33

Avoi khatnak Bible - Fimnak(Wisdom) 9:13-18 

13 Pathian thil tinhnak kha aho nih dah a hngalh khawh i, Bawipa duhnak zong kha aho nih dah a theih khawh. 14 Zeitintiah thih hmangmi minung hna ṭannak bia cu a tlam a tling lo i, kan lungput zong a fek lo. 15 Zeitintiah rawh hmangmi pumsa nih cun lungthin kha toi ah a um chih i, hi lei tlak thlam nih hin thinlung kha a ninh chih ve. 16 Vawlei i a um mi thil kha tuan chuah awkah a har i kan phorh khawh ding thil zeidah a um ti zong khi hngalh awk a har ngai ve. Cu ti a si caah aho nih dah van ah khin zeidah aum ti kha a hmuh chuah khawh. 17 Fimnak kha peek lo le cunglei in na thiang thlarau kha kuat lo ahcun aho nih dah na duhnak kha a hngalh khawh lai? 18 Cuticun fimnak nih cun vawlei mi hna i an lam kha a dinter i aan lawhter tu thil hna kha a cawnpiak hna i a khamh cang fawn hna. 

RUAH DING TETE

1. Jesuh nih mah le mah i huat ding tiah a kan cawnpiak. Hihi zei sullam dah a si ... mah le mah i huat timi a sullam cu a hleihluak in i daw hlah tinak a si. Kan nunchung ah hin Pathian nak in dawt hlei deuh ding ahohmanh, zeihmanh aumlotiduhnakasi. 
2. Jesuh sunparnak hrawm a duh ve mi kan si ahcun vailamtah lam kha kan zulh ve awk a si i pekchanhnak le pum tuarnak tampi pek dingah kan i timhtuah cia ding a si. 
3. Kan duhnak le Pathian duhnak aa ral kah a si ahcun Pathian duhnak tu kha zulh ding a si. (e.g Thinhuntuk lio ah bia chia chim duh tuk mi kha Pathian duh lo mi a si caah chim lo te in um i sum). Vailamtah lampi ahcun, biaknak, nifatin midang caah i pekchannak le mah pumsa duhnak vialte kha hlawt ding a si. 
4. Pathian nih a kan pek mi Thiang Thlarau thawngin a dawtnak kha kan lungthin chungah a toih in a kan toih cang (Rom. 5:5). Pathian nih kan i ruahchan mi le kan tumtah mi nakin tam deuh in a kan pek zungzal. 
5. Jesuh zulh, a duhnak tuah ruangah zeidah kan hmuh lai. Kan nunchung ah nuamte in um ding a si ko lo maw? Mah ruahnak hi cu Pathian zum lo mi ruahnak a si i voikhatte ca lawng ah a ṭha. Thaizing, kiptuh kan nunchung ca vialte ah cun ṭih a nung tuk. Hi vawlei kan nunchung te hi cu kan khualtlawnnak lawng a si i a caan a tawi tuk. Asinain hi caantawi te kan nunchung kan tuah, kan ṭuan mi nih hin zungzal nunnak caah bia a khiah lai. Cucaah cun Jesuh duh ning kan zulh ruangah kanmah duhnak kan hlawt, kanmah pum le kanmah pum kan i huatmi te nih khan zungzal a dong kho lo mi nunnak ah Jesuh a sunparnak le a lian ngannak cu a kan hrawm ter lai.