ZARHKEL VOI (26)NAK ZARHPI NI

Voikhatnak Bible - Amos 6:1, 4-7
Psalm - 146:7-10 (Lehnak 146 :1, 7) 

Voihnihnak Bible - 1Tim. 6:11-16
Thawngṭhabia - Luke 16:19-31 

RUAH DING TETE HNA

1. Rumnak le sifahnak, vancung ram le hell, huatnak le dawtnak, zawn ruahnak le i theihterlonak ti bantuk aa ralkahmi hi vawlei cung ah tamtuk a um. Hi aa ralkahmi pawl lakah hin khuazei leiah dah ka dir lai ti hi nunchung rian nganbik ah a cang. 
2. Pathian khuakhan mi chungah cun ngeihmi zeihmanh a siang lo mi tinsih in khua a sa mi pawl caah cun a donghnak ah tawro in an um lai i siannak lungthin a ngeimi hna cu anmah nih mi dang an pekchanh mi nak in let tampi an hmuh ṭhan lai. 
3. Mirumpa kha cu amah a ngeihmi leng in zeihmanh khua a ruat kho ti lo. A ngeihmi vialte kha amah pumpak ca lawng ah a hman lengah Pathian le pawngkam zong zeihmanh a ruat in a hngal kho ti lo i leicung thilri a biami ah aa cang. 
4. Lazaru min a sullam cu Pathian cu a ka bawmtu a si tinak a si. Lazaru cu leicung sifah khuaruah harnak he a khat ko na in Pathian i bochannak lungthin cu pelte hmanh a zawr lo ti a si. 
5. Mirumpa nih hin siannak thinlung ngeiseh law a rum chin lengah vanram zong a co hnga. Nang le kei nih hi mirum pa le Lazaru hi nifatin kan bih mi kan thlalang ah hmang ve cang u sih.