ZARHKEL VOI (31)NAK ZARHPI NI 

Voikhatnak Bible – Fimnak(Wisdom) 11:22- 12:2
Psalm -145:1-2,8-11,13-14(Lehnak145:1) 

Voihnihnak Bible -2Thes.1:11-2:2 

Thawngṭhabia – Luke 19:1-10

Voikhatnak Bible, Fimnak 11:22 - 12 : 2

22 Bawipa na hmaiah cun vawlei pumpi hi dap a tla mi dorkhat bantuk in cuai thlainak ah a dir kho lai lo. 23 Sihmanhsehlaw, mivialte cungah zaangngaihnak na ngei, zeicahtiah nangmah cu liannganbik cu na si. An i ngaihchih ṭhankhawhnak lai minung hna sualnak kha naa hmuh ter lo. 24 Asiko, a um mi thil vialte kha, na dawt dih ko hna i, thil zei bantuk hmanh nih na thin aa hunter bal lo. Zeitintiah thil pakhat kha na huat ahcun, amah thil kha na rak ser hnga lo. 25 Nangmah duhnak a si lo ahcun, zeitindah thil pakhat cu a nunpeng khawh lai. Asiloah nangmah nih na auh lo ahcun zeitindah himte in a um khawh lai. 26 Cutin a si lo nunnak kha a dawtu Bawipa thil vialte kha hrawh lo in na zuah dih ko hna. Zeicatiah thil vialte hna cu nangmah taa dih an si.

12 : 1 Zeitintiah a rawk kho lo mi na thlarau cu thil vialte chungah khan a um i, 2 Mahti cun an dohtu hna cu duhsah te in na remh ṭhan hna. Zeitin dah an palh ti kha na theihter hna i, ralrin na pek hna, mah ti cun thil sual tuah kha an i sum lai i an in hngatchan ṭhan lai, Bawipa. 

RUAH DING TETE HNA

1. Pathian nih vawlei mi a kan dawtnak kong ... vawlei pumpi hi cu amah Pathian sermi a si caah a hmai kaa ah cun zeihmanh a si lo zia, zingtidap dorkhat tluk hmanh a si lo zia, voikhatnak bible chung kha fiang deuh in chim ding. 

2. Zumhnak kong he pehtlai in Paul nih fiang te-in a kan cawnpiak. Hlenthiam mi phungchim tu pawl kong (2 Thes 2:2). 

3. Genesis ah kan hmuh mi cu, Adam le Eve nih Pathian bia an ngaih lo tikah an ning a zak i, an i thup. Pathian nih khuazei ah dah nan um a ti hna. Pathian nih a kawl hna tikah sualphawt ding le hlawt ding in silo in amah sin kir ṭhan ding tu ah a kawl hna. Pathian nih a kan dawtning a langhter. 

4. Ngunkhuai khawlpa, Zakia kong kan zoh ahcun Jesuh nih minung a kan dawtnak kong a lang. Zakia nih Jesuh a ra ti a hngalh tikah minung tamtuk nih an zulh caah amah zong a niam tuk ve caah thingkung cung ah a kai. Asullam cu Jesuh hi mi zei bantuk dah a si hnga tiah hmuh duh a si. 

5. Angaingai ah mah canlio ah khan Zakia nih Jesuh kha a herh lem lo. Zakia cu mirum a si lengah a chungkhar zong a dam mi an si. Jesuh a herhmi hna pawl cu misifak le a bik in damlonak a ngei mi pawl nih Jesuh kha an herh tuk. 

6. Jesuh nih Zakia kaimi thingkung tang a phanh tikah "Zakia rungṭum tuah Tuzan na inn ah ka tlung lai," a ti. Zakia lunglawmh le thanuam khi na mitthlam ah he cuanter hmanh. Aa lawmh lawng si lo in a thinlung hrimhrim laakhruakpi in aa thleng. 

Asullam cu Pathian dawtnak kan chung a luh tikah nuamhnak he kankhat tinak a si. Zakia zoh ahcun zapi nih misual bik an hmuh mi a si. Pathian ṭhawnnak a chung a phanh tikah amah te nih biakamnak a pek ( Lk. 19 : 8) ah, "Misifak caah ka ngeihmi thil hnarcheu ka pek lai, cun ka hlenmi hna an um ahcun a let li in ka cham hna lai," a ti. Jesuh nih hi inn ah khamhnak a phan cang a ti. 

7. Nihin Pathian bia nih a bik in a kan cawnpiak mi cu, Pathian nih minung ka dawtnak hna hi hngal hna sehlaw lamping ah kal hna hlah seh, ti hi a si.