Zarhkel Zarhhnihnak Zarhpi Ni

Photo Credit

 

Voikhat Bible relnak – 1 King 3: 3-10

Voihnih Bible relnak – 1 Cor 6: 13-15, 17-20

Thawngtha Bia – John 1: 35-42

  • Samuel ti mi a sullam cu, Pathian sin ka hal i ka hmuhmi pakhat, tinak a si. Kumthum a si ah a nu nih Pathian sin ah a pekchah mi a si. Samuel cu nawlngaihnak tling he Pathian biakinn ah a um. Samuel nih a chim mi cu, Bawipa Pathian na duhnak zulh dingah hi ka hin ka um ko, tiah a ti. Avun upat deuh ah cun, Bawipa cu a sinah a um i a bia kha pakhat hmanh vawlei ah a lohlak ter lo.
  • Jesuh nih a zultu hna a kawh auhnak kong cu, John 1:35-42 chungah fiang tein kan hmuh khawh. Nangmah cu Johan fapa Simon na si. Na min cu Sefas a si cang lai, tiah a ti. (Sefas ti cu Peter ti he aa khat i a sullam cu lungpi tinak a si).
  • Jesuh zultu tha si dingah dawn khaan tu nganbik hna cu, Porhlawtnak, haakkauhnak, tian lonak, tbk,… hna an si. Hi hna ruangah hin Jesuh kan zulhnak ah tlamtlin lonak a um zungzal. Kan hngalh ko buin hi hna nih hin a kan tei lengmang i Jesuh zultu tha ah kan cang kho bal lo. Pual nih a chimmi cu, sualnak nih hin Khrihfa nunnak ah rawhnak nganpi a chuahter, a ti.
  • Jesuh auhnak awthawng hi kan thinlung chung le kan ruahnak chungah zeitik hmanh ah tlauter ding a si lo i hngalh peng, ruah peng ding le zulh peng ding kan si. Amah caah timhcia(ready) kan sinak hi kan langhter peng ding a si i a kan chawnh tikah a bia kha kan ngaih zungzal awk a si.
  • Thian lonak nih kan Khrihfa zumhnak kha a hrawh leengah kan Khrihfa hawi nunnak zong kha a hrawh chih. Angai ngai cu, Pathian kan chung a um ahcun Khrih pum cheu bang kan si ve cang i a nung mi Thiang Thlarau Biakinn kan si caah kan nun chung lamthluan ah a thiang mi nunnak nih lam a kan hruai zungzal ding a si.

Add new comment

13 + 1 =