Zarhnihtnak Advent Zarhpi Ni

Photo Credit

 

Voikhatnak Bible – Is. 40:1-5, 9-11

Psalm – 85: 9-14-9 (Lehnak 85:8)

Voihnihnak Bible – 2Peter 3:8-14

Thawngtha Bia   - Mk 1:1-8

  • Nihin voikhatnak Cathiang kan theih mi ah, Isaiah nih a kan chimh mi cu, Tlaang hna chimh ding le tiva hna chilh ding kong a kan cawnpiak, hi a chim duh mi hi a taktak ah tlaang chim ding le tiva ngaingai chilh ding si lo in, kan lungthin chungah a thluan pi in a um mi ruamkaihnak thlangthluan, tiva hor bantuk in a kuakkak mi kan nunzia te hna kha chilh dih, thlamh dih ding tu kha a rak si deuh.
  • Isaiah cu Pathian thim mi Profet a si bantuk in a miphun caah thih ngamh in Pathian rian a tuannak ah a bik in aa hmai thlaak mi cu, Israel miphun vialte Pathian duh ning in um khawh than ding le Pathian sin kirpi than ding a si. Pathian sin kir than ding ah cun sualnak lam cung in pial a herh i Amah Pathian duh ning in um a hau cang, tihi a au pi mi a si bantuk in Israel miphun lawng si lo in kanmah vialte he zong kan i zohchunh ding le kan zulh ding a si ve.
  • Thawngtha bia chung kan theih mi zong hi Isaiah chim mi chung lawngte he aa pehtlai dih. Johan nih a au pi mi bia, Bawipa lam kha rak remh tuah u, a kalnak ding lam kha ding tein rak ser u,…nan lung i thleng u law tipilnak kha ing u, cun Pathian nih nan sualnak kha an ngaihthiam hna lai, a ti hna.
  • Johan nih mipi sin a chim mi bia hi Jesuh a rat lai ank kong a si. Jesuh a rat tikah zeibantuk in dah kan um lai, zeibantuk thinlung dah kan ngeih lai, cohlan awktlak kan si ding caah thimtuahnak ngeih ding kha a chim mi a si i, kanmah vialte kan ca zongah a tu Advent caan hi Johan nih hmai ah a rat chung in kannih vialte a kan chimhhrinh caan a si ve.
  • Zarhhnihnak Advent caan chungah hin kan ruah, kan tuak hnga ding mi cu, Bawipa cu kanmah khamh ding ah a ra lio, a caan a rau ti lai lo, Khrihfa nun zia dawh in kan nun hrimhrim a herh cang…ti hi a si.

Add new comment

4 + 6 =