Zawnruah thiamnak

Aho paoh nih kan nunnak ah hin lunglawmhnak le nuamhnak hi kan duh cio i kan kawl cio mi a si. Ahohmanh nih sifah le harsat hi a duh mi kan um hna lo. Sihmanhsehlaw, mi tampi cu a thianghlim mi le a hmaan mi lunglawmhnak hi an kawl ning cang a hmaan lo caah an hmu kho lo. Vawlei cung kan um caan ah siseh, Vancung ram kan phanh tik caan zongah siseh, biatak lunglawmhnak le nuamhnak cu mi vialte cungah lungthin tha lianpi kan ngeih hi a si ko.

Vancung ram cu khawi ah dah a um hnga? Kan lungthin chungah maw a um hnga? Midang kan dawt hna nak a ngan chin chin paoh ah kan van ram zong a lian chin chin ve ko. Pathian um nak hmun ah zeizong vialte a tling dih cang ko; sihmanhsehlaw,  Vancung ram hmanh ah khin a niam a san nak a um rih. Mi pakhat nih amah le mah lonh in mi vialte cungah zawn ruah thiamnak le dawtnak a ngeih a si ah cun biatak lunglawmh nak le hnangamnak cu a ngei hrimhrim i a co hrimhrim ko.

Biatak luatnak le lunglawmhnak kan ngeih cang, kan teh khawh cang a si ah cun, kan pawngkam um mi chungkhar hna cung lawngah tlaihchannak kan ngei ti lai lo. Sihmanhsehlaw, kan dawtmi phu khat cung lawngah siseh, chungkhar cung lawngah siseh kan i tlaih chan peng a si ah cun biatak hnangamnak le lung daihnak kan hmu kho dih hrim lai lo. Chungkhar hna kan dawt hna bantukin pawngkam um sifak santlailo, a dam lo mi si hna seh, theih hngalh lo mi hna cung zong ah lungthin innka kaupi in hun piak hna i cohlan zungzal hna ding kan si. Cu bantuk lungthin mi vialte hna cungah kan ngeih khawh a si ah cun, Pathian dawtnak le lunglawmhnak ah aa hrawm ve mi kan si ko hna lai.

Kan pawngkam ah aho hi dah Lazarus bantuk an si i aho hi dah mirum pa bantuk an si?