Zeitindah kan si hnga?

Photo Credit

“Bawipa, hi mi hna hrawhnak ding caah hin vancung in mei au u tiah na kan duh maw?” an ti. Jesuh cu aa mer i a sik hna i khua dang ah khan an lan.” (Lk 9: 54-56)

Midang hna nih na sining cohlang duh hna hlah sehlaw zeitindah na um hnga? Na thin a hung hnga maw, asiloah ngaihchia hnga dah?

Jesuh cu Samaria mi hna nih an rak cohlaang duh lo. “Tluninn kha on an rak duh lo” (Lk 9:53). Jesuh zong nih an cohlaan duh lo nak cungah zeihmanh a let ve hna lo. Dai tein a kal tak ko hna. Samaria mi hna nih ruahnak ṭhalo le lungthin ṭhalo Jesuh cungah rak ngei ko hna hmanhsehlaw Jesuh nih cun zeihmah let hna loin ‘piahtana’ zong zeihmah chuahter loin a kal tak ko hna. Tuchan kannih minung hna sining he vun i tahchunh cio hmanh hna u sih! Asiloah mah le sining cio in tahchunhnak vun i tuah hmanh hna u sih. Zeitin dah ka um ve hnga? I sik nak maw kan chuah pi hnga, dai tein dah kan um ve hnga?

A herh tuk lomi kongah sualnak kawl in a kan ngiartu hna kha kan leh lengmang ve hna a si ahcun kanmah le kanmah anmah level ah kan i thlak, i ṭhumh a si ko. Chiatnak kha chiatnak in kan leh lengmang hna a si ahcun zeitikhmanh ah ṭhatnak le daihnak kan chuah pi kho lai lo. Satan nih cun Pathian program cu a tukforh lengmang ko lai. Sihmanhshelaw Pathian nih a thil ti nak hna cungah a let dih cikcek zungzal lo. 

A kan ngiartu hna le kan thangchiat dingin lam a kawltu, aa tim zungzal mi hna kha zeirel hna loin Jesuh Khrih nih Samaria mi hna a kal tak hna bang khan kal tak khawh ve dingin lungthin ṭhawnnak Pathian sin in hal zungzal ding a si. 

 

 

Add new comment

9 + 6 =