Zeizong Vialte Biaceihtu Pathian(Ps 94)

1 Bawipa, nang cu phuhlamtu Pathian na si, na thinhunnak kha langhter tuah.
2 Nangmah cu mi vialte bia a ceihtu na si, tho law miporhlaw kha hmuh awk an i tlakmi dantatnak kha pe hna.
3 Mitthalo pawl hi zei can dah an i lawmh lai? Zei can dah an i lawmh ko rih lai, Maw Bawipa.
4 Zei can dah tthat lonak a tuahtu pawl hi ruamkai in an um rih lai i sualnak an tuahmi kha an i porhlawt rih lai?
5 Bawipa, na mi kha an rial hna, nangmah ta a simi kha an hrem hna.
6 Nuhmei le ngaḳah kha an thah hna I kan ram chungah a ummi khual kha an nawn hna.
7 An i thawh i, “Bawipa nih cun a kan hmuh lem lai maw? Bawipa nih cun a hngalh lem lai maw?” an ti.
8 Ka mi hna, zeitindah cu tluk cun nan hruh khawh? Zeitik ah dah nan hngalh khawh te lai?
9 Kan hna a sertu cu Pathian a si, zeitindah hna sertu Pathian nih cun thei loin a um khawh lai? Kan mit a sertu cu Pathian a si, zeitindah mit sertu nih cun hmu loin a um khawh lai?
10 Miphun vialte cu amah ukmi an si, dantat loin a um hna hnga maw? Mi vialte a cawnpiaktu cu amah a si, hngal loin a um kho hnga maw?
11 Bawipa nih an ruahmi cu a hngalh dih ko; zeitluk in dah an ruahnak pakpalawng a si ti cu a hngalh dih ko.
12 Bawipa, nangmah nih na chimhhrinmi, na phunglam na cawnpiakmi hna cu lunglawmmi an si,
13 Mịhalo mi caah thlan cawh a si hlantiang, harnak caan ah dinhnak na pek hna.
14 Bawipa nih a mi cu a hlaw hna lai lo, amah ta a simi cu a zamtak hna lai lo.
15 Biaceihnak hmun ah dinnak kha a um tthan lai I miding paohpaoh nih an zulh lai.
16 Ahodah mịhalo a ka dohpitu kha nan si? Ahodah ̣hat lonak a tuahmi hna a ka dohpitu kha nan si?
17 Bawipa nih rak kan bawm hlah seh law, mithi khua kha khulrang tein kan rak phan diam ko hnga.
18 Ka ke kha an nal cuahmah tikah, Bawipa, na dawtnak nih a ka tlaih.
19 Khuaruahhar vansang au in ka um tikah na ka hnemh i ka lung na ka lawmhter.
20 Bawipa, ziknawh a eimi biaceihtu hna he cun zeitinhmanh in nan i tlak kho lo, din lonak kha dinnak ah a ser i
21 mittha kha a rawi a phiar i a sual lomi kha thih dantatnak a pemi hna he cun a komh in nan i kom kho lo.
22 Sihmanhsehlaw kei cu Bawipa nih na ka huhphenh i ka Pathian nih him tein na ka umter.
23 Annih cu an tthat lo ruangah dan na tat hna lai i an sual ruangah na hrawh hna lai;
Bawipa kan Pathian nih na hrawh hna lai.