Zumh le Theih

Dawtmi u le nau hna kan Bawipa Jesuh Khrih nih: “Hi baktukin kan cawnpiakmi hna nih hin nan thin an hunter hna maw?” tiah bia a hal hna.

Vawlei cung um mi vialte hna nih lunglawmhnak, lung donghnak le lungrawhnak hna hi kan ton cio tawm mi an si. Minung kan si bangin kan lung rawh a fawi, ngaihchiat a fawi. Thawngpang tha lo pakhat khat kan theih tikah kan lung aa tuai tawn i kan lung tha a der tawn. Biatak ti ah cun minung hna nih kan ton mi thil hna hi a sawh sawh men in ton mi le hmuh mi cu an si hrim hna lo. Kan ton mi le kan hmuh mi hna chungin a ra te hnga dingmi thil thlithup an um tawn. Thil tha maw an si lai thil thalo dah ti cu kan thei kho hna lo. Sihmahsehlaw, Kan caah thil pakhat khat thatnak a si hnga ding caah tu ah a si ti mi zong hi theih thiam kan hau.

Bawipa nih a thi le a sa a ei lo mi nih cun nunnak an ngei lai lo tiah a cawnpiak hna tikah mibu pi nih an kal tak dih. Cu tikah a hnu zultu hna kha: “Nannih tah nan kal ve lai maw?” tiah a ti hna nak hi a si. Lungrawh ding zeihmanh a um lo. Bawipa bia cu kan thlarau caah thatnak lawng te an si bantukin khamhnak kan hmuh khawh nak hnga ding tu an si. Kan mah lei in zeibantuk thil kan ton a si zongah a thatnak lei in thil zoh thiamnak le hmuh thiamnak tu hi kan ngeih a herh. Bawipa cawnpiak mi thil vialte hna cungah zumhnak fek in um zungzal ko hna u sih.