Zumhnak

“A puan hmanh kha ka tongh khawh ahcun ka dam ko lai” (Matt 9:21)

Nihin ni ah ruah tti ka duh mi cu zumhnak kong a si. Judah mi lak i bawi pakhat a si mi nih kan Bawipa Jesuh sinah a thi ka mi te a fa nu caah zumhnak he thla a cam. Cu pa inn lei ah a kal lio ah kum hleihnih chung thi chuaknak zawtnak in a zaw mi nu pakhat nih zumhnak he kan Bawipa Jesuh puan a tongh tik ah dam nak a hmu ve.

Mipa nih zumhnak in a fanu caah kan Bawipa sin thla a cam tikah nunnak a hmuh tthan bangin; thichuahnak a ngei mi nu nih ka dam hrimhrim ko lai ti mi zumhnak he kan Bawipa puan a tongh tikah dam nak a hmu tak tak ve.

Bawipa cu zeizong vialte a sertu a si bantuk in ser cia a si mi thil a rawh zongah amah ning te in a si ter kho tthan tu a si. Zumhnak he Amah kan panh lawng hi a herh mi a si ko.

Nifatin kan nun nak ah harsat lungretheih in kan um caan ah a ho dah kan panh cio tawn hna? Ruat cio hna u sih. Bawipa nih nifatin : “Rethei le thilrit mi vialte hna, ka sinah ra tuah u, dinhnak kan pek hna lai”(Matt 11:28) tiah a kan kawh cio.

Bawipa sinah zumhnak lian pi he kan panh a si ah cun kan herh mi a kan pek ko lai. Bawipa nih kan nunnak ah a kan duh piak mi cu: “Amah lawnglawng hi bochan ding a si.” Zumhnak nih dawtnak a kan ngeihter bangin dawtnak nih zumhnak a kan ngeihter.

Cu a si caah: “Bawipa na Pathian cu na lungthin dihlak le na ruahnak dihlak le na nunnak dihlak in na dawt lai”(Matt 22:37).

Add new comment

1 + 0 =