Zumhnak in kal ding a si

“Cucaah cun nang cu lungtum, Peter, na si ka ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo”(Matt 16:18).

Mithiang Peter reng a chang tu a si mi hna Pope, Bishops hna le bupi hruaitu hna an hram bunhnak catholic bupi chungah hin khamhnak, vancung ram co nak aamahkhaan(guarantee) a um. Cun “thihnak hmah nih a tei kho lai lo” tiah Jesuh nih biafehnak zong a chim fawn. Cu a si caah catholic bupi kal tak lo ding zong hi a biapi ngai mi a si.

Cun Bupi cawnpiak nak hna zong hi fel tein zulh ding zong a herh. Cu lawngah kan him kho lai. Mithiang Paul nih cun: “Tlik zuamnak ah khan ka tha a dihumnak in ka chuah cang , a dongh tiang khitkhat in ka tli cang, zumhnak kha fek tein kaa tlaih zungzal” tiah a ti(2Tim 4:7). Paul nih a chim bangin kan i zuam ve hrimhrim ding a si. A kan sertu Pathian nih thil ti khawhnak a kan pek cio. Kan mah lei in a hman zia kan thiam a hau. Kan thazang caah le bawmtu caah Thiang Thlarau Pathian kan sinah a kan thlah piak. Kan sinah a um zungzal tu Thiang Thlarau Pathian sinah thazang hal zungzal ding a si.