Zumhtlak dirhmun

Hakkauhnak lungthin a ngei i a va Philip cungah zumhtlak in a nung lo mi, duhfahnak lungthin he Herod nu pi si a duh mi Herodias ruangah Mithianghlim Johan cu thah a si. Johan thah dingin biachah a si tikah siangpahrang Herod a lungre a thei. Sihmanhsehlaw, a biakam cia thlen khawh a si ti lo. A phi tu ngeihchiatnak lawng a si. Nu le va cungah zumhtlak si ding le i kal tak lo ding. Bupi cung zongah zumhtlak si ding le Herod bantuk thil a ti kho deuh rua lai tiah ruah mi phu dang sin zongah va foh lo ding hi kan nunnak hrimhrim ah thei hna u sih. Pathian hmai ah zumhtlak kan si a si ah cun, a donghnak ni ah kan hmuh hnga ding mi a phi cu "Lunglawmhnak, zungzal nunnuamhnak vancung ram co" kha a si te ko lai.