Zumnak in Thil Ti Khawhnak

Photo Credit

Nihin ni caah Mithiang Paul a lung aa thlennak puai Bupi nih a kan tuahpiak i hi puai ni caah a kan thim piak mi thawngthabia
(Mark 16:15-18)kan relmi chungah kan hmuh mi cu thihnak in a tho thanmi Jesuh nih a hnu zultu hna sinah a lang i a fialmi hna cu,
"Vawlei cung khuazakip ah va kal u law miphun kip kha thangthabia va chim hna u. A zum i tipilnak a ingmi paoh nih khamhnak an hmuh lai,
a zum lomi paoh nih sual phawtnak an hmuh lai"tiah a ti. Cun a zultu hna sinah biafehternak a tauh mi cu, "A zummi pawl cu hi thawnnak
hmelchunhnak hi pek an si lai: ka min in khuachia an thawl khawh hna lai, holh theih loin an holh lai, rul kha an thlaih
hna i sivai an din zongah zeiti hmanh in an um lai lo; mizaw cungah an kut an chuan lai i an dam lai" tiah a ti.

Khrihfa mi hna a rak thattu le a rak hremtu mithiang Paul a lung aa thlen hnu ah le Jesuh Khrih hnu zultu a hung si hnu ah Jesuh Khrih
cungah siseh, a Bupi cungah siseh a dawtnak, le a zumhnak a thawn ning le a zumhnak a fehning kha kan Bible cathiang chungah lang ngai in
kan hmuh khawh. Paul cu mi lung thawng rak si hmanhsehlaw, Jesuh a zumh hnu ah a lung nembik mi ah a hung i cang. A lung aa thleng mi, a piangtharmi
hna nun zia cu mithiang Paul sining cungah fiang tein kan hmuh khawh.

Jesuh Khrih nih a hnu zultu hna sinah a rak chimmi bia kha nihin ni caan zongah kan nih Khrihfa mi hna pakhat cio sinah a chim than ve.
Kan tonmi mi mi vialte hna sinah chim relnak in siseh, tuahser nak in siseh a thawngthabia kha phuan dingin a kan fial ve. Pawngkam um mi
hna cungah zawnruah thiamnak kan ngeih mi nih a lung rethei mi hna a hnemh khawh hna lai i dam lonak a phunphun a ingmi hna zong nih damnak an
hmuh than lai. Temtawntu khuaruahhar vansannak an in mi "Khuachia" in luatnak than lai i lunglawmhnak zong a pek hna lai.

Nihin ni ah Jesuh Khrih nih a thawngthabia phuan dingin a kan sawm. A kan sawmnak kha zei ti phun in dah kan leh cio hna lai?

Add new comment

3 + 0 =