Theipar

“Nan Sual I Ngaihchih U, Nan Thi Sual Lai”(Luke 13:1-9)

Nihin kan theih mi thawngtha chungin Jesuh Khrih nih caan a um lio ah pakhat cio kan nun lam i remh dingin ralrinnak a kan pek. Aa remh duh lo mi cu a ruah hlaan ah rawhral nak lei ah an panh lai i caan um lio te le caan a kan pek lio te ah kan nun lam kan i remh a si ah cun khamh kan si lai.

Kan nun lio caan te ah micheu khat cu vanthatnak an tong, micheu khat cu vanchiatnak an tong tiah minung ruahnak in kan hmuh men lai. Sihmahsehlaw, vanthatnak le vanchiatnak tiah minung hna nih kan ti mi hi Pathian caah cun zeihmanh an si lo. Khamhnak a kan pe kho tu ding zong an si lo. Zeicah kan ti a si ah cun mi thalo zong a vantha kho i rum ngai in a um khawh caah a si.

Pathian nih theipar ttha tampi kan tlai khawh cio nak hnga ding caah caan a kan pek cio. Caan a kan pek mi a dih tik, a dongh tikah le hmanungbik ni biaceihnak caan a phak tikah, caan kan ngeih lio i kan rak tuahser ning cio in biaceih kan si te lai ding a si caah a si. Theipar ttha he aa lo mi tthatnak zeihmah a tuah lo mi cu an rak tuahser ning in an cungah tuahser an si te ko lai.

Caan kan ngeih lio te ah theipar ttha he aa lomi tthatnak tuah in kan tuah sual mi sualnak hna caah Pathian sinah ngaihchihnak tuah le sual ngaihthiam nak hal zungzal ding a si.