Hindu Milemzuk an chiahter

India ram i Catholic Sianginn ah Hindu biaknak milemzuk chiahding in nawl an pek

Hindu biatu hrang pawl nih October 25 ni ah India ram a laifang hmun Madhya Pradesh ramkulh i hungmi Catholic Sianginn hna ah ni 15 chungah Hindu bianak milemzuk Saraswati nan chiahdih lai tiah nawl an chuah. Cu milemzuk cu “fimnak lei thluak petu pathian nu” asi tiah an zumhmi a si.

Minung 30 aa telmi Vawlei huap Hindo Council le ramkhel hrang party pakhat asimi Bajrang Dal hna nih Satna dictrict i hungmi sianginn hruaitu Fr. Augustine Chittuparambil kha an tong i cuticun an chim tiah a ti.

Cu Hindu hrang pawl nih cun capar he an pek i anmah nawlmi tuahlo in um asiahcun sianginn ah kan rathan lai tiah siangbawipa kha an rak thihphaih.

An nawlnak i a ruang cu; atu i Catholic Sianginn cu, cu khuavang pathian nu umnak hmunah sakmi a asi an ti. Sihmanhsehlaw cu sianginn cu a luancia mi (36) kum thokin sak cangmi a sinak, hibantukin ahlan ah a hohmanh nih an chimbal lonak le cu sianginnpi cu Syro-Malabar diocese nih zohkhenhmi a sinak kong hna kha siangbawi pa nih cun a chimh. Satna khuapi cu ramkulh i khualipi asimi Bhopal i nichuahnak chaklei kilometer 455 hrawng aa hlatnak hmun ah a um.

Rianngeitu Siangbawipa nih Hindu hrang paw nih Sianginn ah an rathan i hnahnoknak a kan pe asiahcun upadi ningtein huhphenhnak kan tuah lai timi, cun sianginn hunthannak dingcu a caan tlawmpal hngak a hauh lai nak kong, atu bantukin Hindu hrang pawlnih tthihphainak an kan tuahmi hi tukum chungah a voihnihnak a sicangnak kong le tukum february 22 ni zongah mibei zohkhenhtu Sister pakhat nih khrihfa asilo mi nu pakhat kha khrihfa luh ding ah hramhram in a lem tiin sualpuhnak zong a um timi kong hna kha a chim.

https://bit.ly/3GtG4iu