Platform

Platform timi biafang hi internet lei in an hman ngaimi biafang a si i nihin vawlei pi nih tangka a kawlnak ah a hman ngai mi zong a si. Cucu vawlei chawlehthalnak lei in si ko seh. Nang zong biaknak lei in hrauitu pakhat si law thlarau lei in zeitindah na ruah ve? Hi biafang hi mi tampi nih a theih zong theih cio mi a si ko lai nain kan theih ning le kan ruah ningah hin zei lei in dah kan hnuh deuh cio hna hnga?

Hi ruahnak le hmanmi biafang hi Pathian Pennak lei in zoh cio hnik hna u sih. Chawlehthal nak le Pathian Pennak hi an kal ti, an um ti kho hnga maw? Zeitin dah na ruah ve?

Thlarau lei in kei ka ruahnak ah cun, chawlehthal bantukin thlarau lei in rian tuan a herh ve. Ka chim duhmi cu Khamhnak mikip nih an co khawh cio nak hnga ding caah a si. Mah le mah lungthin thlarau thianhlim tein kan riantuannak ah hin thawk cio u sih law, pawngkam um minung hna zong nih Pathian dawtnak hmu kho cio hna seh, Pathian rianthiang tuan kho cio hna sehlaw khamhnak co cio kho hna seh timi hi ka ruah mi a si. Platform pakhat dirh cu a miak hmuhnak a si bangin thlarau pakhat khamh khawh cu a miak a si. Vancung Pennak, vancung sui ramnuam ah thangthat kan si ko lai.