Reli Cangkeoh

TISARAM HNA NIH AN TON CUAHMAH MI `THNUNG RAL HNA

40. Rili tipi thuanthum hna cu vawlei pumpi dihlak caah a herhmi ti a tambik kha a khonpiak mi tisaram a phunphun tampi hna zong a khonchih ve. Tisaram thilnung phunphun tamuak kha minung nih kan theih kho rih lo. Sihmansehlaw konglam tampi ruang i hi thilnung hna caah thinphan awk tlak asimi thil umtu ningcang a hun chuak.

Vawleicung milu tamnak caah eiawk rawl asimi tiva, tidil, rili tipithuamthum hna ah a ummi tisaram thilnung tampi hna cu tlaihkhip uktu umlo nga tlaihnak hna ruangah nga phun cheukhat cu ahar leiah a panh cangnak he kan hmaitonh cang.
Ngatlaitu cheukhat hna cu nga an tlaih tikah an duh an herhmi nga phun lawng kha thim i an tlaih hnuah a tangmi nga, phun hna kha tiva tlang ah an hlonhtak tawn mi ningkeel zong an buar mi kan hmuh hna.
Minung caah eiawk rawl ca i hmanmi tisaram thilnung hna caah an eiawk rawl caah an hmanmi lungbang buar, ngapuan hna le rili rawl i heernak, aa pehnak hna rawhralnak ral hna zong kannih nih zeirel loin kan um.

RILI CANGKEOH VAWLEI `THA HNA
41.    A linhnak hmun rili vawlei fonghlei  hna ah vawleitlang i tupi hna le khahchunh khawhmi rili cangkeoh valei `tha vawlei fonghlei tlang hna kha kan hmuh hna, Rili cangkeoh tikulh hna cu ti thilnung saram nuaitampi an ithup an umnak hmun an si. Cu thilnung saram hna lakah nga, kingkuar, cangai le adang thilnung saram a phunphun, lungbangbuar, ngapuan hna le rili rawl hna kha an khon.

Vawleicung i rili cangkeoh vawlei `tha hmun tampu hna cu ti thilnung saram hna an thian i, cu hmun hmanh kha rawh hram a thowkcang kha kan hmuh. Khuaruahhar awk asimi a nuam a dawhmi rili tipithuamthum hna kha muici ngeihlo, nunnak a thiannak vawlei fonghlei thlanhmun ah a thlenpiaktu sualnak a tuahtu cu ahodah asi?

Hi thil um ningcang leiah phaknak cu kokek pawngkam a thurhnawm ruangah asi. Pawngkam a thurhhnawmnak cu tupi hna an lohtlaunak, thingkung phunkhatte lawngin an cinnak, sehzung hna in an hlonhmi kawhhar mi hnawm hna, ngatlaihnak ah dynamite bom puahnak le hrudennak hna cu ti thilnung saram hna kha a thih a loh a rawkter mi nga itlaihnak ningcang hna kha an hman hna ruangah a chuakmi rawhralnak cu rili hmuntiang hmanh a phan. Hi thil umtu ningcang cu rili tipi thuamthum tihmai a linhnak a sangchin caah a chiahru deuh chinchin.

Hi a konglam hna fiangte langhternak in kokek a cangmi thil hna ah minung nih tlangtlak piaknak ruangah a chuakmi a hnupeh thil umtu ningcang hna atu caantawite ah kan hmuhlo nain vawlei i valwlei chungchuak thilri hna kha mah ca `thathnemnak caah hmannak pungsan cheukhat hna ruangah rili tawne hna a phaktiang zongah kokek pawngkam rawhnak timi man khiahkhawh lomi cham dantatnak he kan ton cuahmah mi kha minung nih an theih ve cio ve cang.

42.    Kokek pawngkam ningcang i rian`uan ning le kokek pawngkam thlenpiak dingah zuamnak in a ra chuak dingmi a hnuzulhnak hna kong kha `thatein kawl le zohkhawhnak caah hrambunh mi hna a herh.

Thilnung saram vialte hna cu khat le khat pehtlaihnak an ngeidih i kannih vialte cu nunnak ngei sinak in khat le khat pehtlai tein cochanhnak ngeih asi cio caah, nunnak ngei saram pakhat cio konglam kawl tikah upat hmaizah tein dawt zawnruahnak he tlangtlak a hau. Peng le hmunkip ah a ummi thilnung phun chungkhar vialte hna kha ralring tein zohkhenh kilven cio dingah hmun um minung hna nih `tuanvo an ngeicio.

Hibantukin rian`tuan tikah hmunchung i a ummi thilnung saram phuntling hna he pehtlaihin cazin khomh aherh. Hibang cazin khomhnak thawngin cu hna zohkhenh kilvennak caah ahleikhun in cimit lohtlau dingmi `tihnung ral a tonglio mi a harmi thilnung saram hna kha khawmh zohkhenh awk timhlamhnak hna le hlawhtlinnak lam a phunphun suaiduhnak ruahchannak he cazin khomhnak kha tuahcio ding asi.