Vancung khua i ummi hna

PAHNIHNAK
Vancung khua ah Ahote hna dah a ummi an si
BIATHLAM NIH MI THONGTAMPI A HLONH HNA
    1970 kum ah khan Khrih ral chantu nih harnak raai kha a chuah ter, Hollywood hna zong ah Apocalypse (Biathlam) kha an thup kho lo, hi nih hin Thawng`ha hna le Exodus cauk kha a ngeih hna. Thil tam nawn hna ah theih har mi a um lai, thisen chuahnak, duh poah in thil tuahnak le tangka duh poah inhmannak hna kha Hollywood ah a rak chuak.
    Asiloah a si kho men, nawl a ngei khotu director hna kha Biathlam nih a duh bantuk in an hlawt hna (cu thil a hleice in a cang mi i a man cu chim ding a si lo). Cecil B. De Mille zong kha mi thongtampi hlonhnak nawlbia pahra ah khan aa tel ve. Biathlam nih a chim ning ahcun a zaa, zaa in thongtampi kha a hlonh hna lai, a ti. Mah hi cu Bible cauk lakah a min thangbik mi a si men lai.
    Hi zia a ngei mi hna hmun a cim mi le Van a cim mi a khah tertu hna kha a ho te hna ziaza dah a si? Hi ca dal ah hin, a kong kha `tha deuh in hngalh kan i zuam lai.
    A pakhatnak cu sual phuannak a si: Hi ka lamh hi ka `ih. Biathlam cauk nakin mi a awh tlai deuh kho mi le milung thin a khahter khotu an um lo. Bible cathiam sangmi, phungchimtu saya te hna le thil ti khawh thiamnak a ngei mi hna nakin cauk chung i an langhter mi saramle, a nungmi saram phun dang, Vancung mi, le minung hna cu milung ah a lut deuh mi, mi a awhtlaitu hna kha an si.
    Careltu pakhat nih hi ziaza kong i fianternak a ngeih mi cu amah nih a sullam a fianter mi cungah khan aa hngat. Hmailei kong lawng a thei mi hna nih cun saram hna an kong fianternak ah holh lettu kha an herh, vun i merta u sih law Napolean, Bismarch, Hitler le Stalin, te hna lak zongah a um mi midang hna zong kha hi kongah telh chih an si. Hmailei kong a hmumi hna zong nih kumzabu pakhatnak i profet chimchung mi a tling mi uar le ceih kha an duh bik. Saram lei ah vun kalta rih u sih, bianabia ah mi pakhat sinah asiloah a dang Rom Siangpahrang asiloah Rom amah hrimhrim zong asiloah Jerusalem hna zong ah khan hmuh khawh an si. A pathumnak hmuh mi cu a caancaan ah cun idealist (a `habik thil a duhtu) pawl nih biathlam cu thlarau ral dohnak tiah an ti. Zeicahtiah zumtu vialte nih an doh lai. A dang hmuhnak pakhat “tuanbia a thiam mi hna” zongnih an i tlaih mi cu Apocalypse kha a si i Pathian tumtah mi tuanbia kha a hramthok in a donghnak tiang a tlaitu an si.
    A hote hmuhnak dah ka zulh lai? An dihlakin an hman kho lai lo i an i ruang kho lai lo. Bible cacu a rumtuk i hliah a ngei lo. A hmsabik i a rak um mi Khrihfa hna an rak i cawnpiak mi ah, a thiangmi cauk nih hin aa rual in thil pali a tuah, cu aa ruang mi thil lakpi ahcun, an za tein voikhat ah Pathian i biatak kha an cawn piak hna, aw dawh tum mi hla bantuk a si. Hmuhnak pakhat kha a dang nakin a `tha deuh in ka hmuh ahcun mah hi cu rak lanhtak chung kha a si lai. Cu a si caah, midang kha niamter deuh ka duh hlei hna lo. Anmah kha a `tem`tawntu thil hna cu kanmah zong Khrih sin i a kan `tem`tawntu thil an si ve: Biakamthar, tazeih (tacik) an khenh mi le an thar chuah mi cu changreu le mitsur zu einak in Pathian biak ning kha a si.
    Apocalypse chung i a hung lang mi cu- biakamnak, tluknak, bia caihnak le tlanhnak hna kha an si- i hi zohchunawk tlak `ialmi nih a langhter mi cu a si taktak mi tuanbia i caan kha a si, cu lawng siloin tuanbia i can vialte kong zong kha a langhter, tuanbia dihlak lawng siloin nunchung i thil tuah dingmi kan dihlak ca zong kha a si.