Innchungkhar hi Thilrit a si lo, Laksawng a si.

Philippines i minthang Cardinal Louis Antonio Tagle nih “Innchungkhar hi Pathian pekmi laksawng” a si, tiah (Family is a Gift Conference) prokarem i October 29 ni ah a chim.

Cardinal Tagle nih innchungkhar hna timi cu an lak ah harnak, thabatnak in chuah i zuamnak he aa cawhkalh nain aa dawh mansung Pathian pekmi lak sawng a si tiah a thangthat tiah CBCP News nih a langhter.

Cu ton pumhnak ah Cardinal nih mi cheukhat hna cu innchungkhar nun nak hi laksawng sung ah hmuh loin thilrit ah an hmuh caah lehthah thit-umnak kha zei rel lo, hmaizah upat lo le hruhhrang ngai in an um, tiah lungnuam lo ngai in a chim.

Innchungkhar nunnak ah zuamcawhnak harnak hna a um lai ti a fiang ko nain Vawlei cung minung timhtuahnak (simanking) caah Pathian riantuannak kha atu le atu hmuhton ter khawhnak ding in minung caah a ser mi laksawng sung a si. Cucaah zeitluk in a rih i a va har hmanh ah, cu innchungkhar timi cu tuanvo le caantha hmuhnak cawh in funtom i pekmi Pathian laksawng tiah cohlan i, i pom cio dingah a forhfial.

Innchungkhar chungah hrialkhawh lo a um tawn mi chambau nak le tlam-tlin lo nak lung i khah lonak hna zong a si ning tein cohlan nak nih innchung khar timi cu Pathian pekmi laksawng a si, tiah tling cikcek in cohlannak a si.

Cu leng ah innchungkhar timi cu kumno ngakchia hna nunnak zong kha a bik in a khuhchilh caah mino hna cungah a bik in tuanvo ngeitu zong an si. Hi tuanvo kha tuahkel menmen siloin Pathian nih `uan awk tuanvo pek mi a si, tiah cohlan dingtu a si.

Cardinal Louis Antonio Tagle nih:“Innchungkhar cu Pathian pekmi laksawng” timi kongkau le atu forhfial in kan chimmi prokarem cu innchungkhar nunnak kha khamh awk, i bawmh-chanh cio ding tiah tinhnak in “Khrih caah nuva hna phu” (the couples for Christ) nih hruai in kan cawlcangh ve nak a si, tiah a chim.