Nunnak Bia

Biadik, biahmaan a simi paoh khi a thei mi paoh caah cun ngaih a nuam mi an si men lai lo. Dinfelnak le pakhat le pakhat i zumhnak a zor thluahmah lio caan kan chan ah hin mi fel, miding mi hna caah cun hawikom tha timi hna zong hi an hung har ngai. Kahdohnak le i rawinak a tam lio hi kan chan ah hin dawtnak timi biafang hi minung hna caah zumhawk a har ngai mi a si fawn.

Mah nih tuan kawl hawl le tuahser lawngah pawcawmnak a tlam a tling kho lai. Midang cungah i bochan tuk lo ding; mah le mah i bochan ding timi ruahnak nih a kan molhter lio ah Jesuh nih “ka thi le ka sa a ei mi paoh cu zungzal nunnak a ngei lai” (Jn 6:51) tiah a ti tikah nang le kei nih teh zeitindah kan ruah ve? Dawtnak timi “Pathian cu dawtnak a si” timi ah hin zeitluk in dah zumhnak na ngeih khawh rih?

A nunnak tiang kan caah aa pe siangmi Jesuh Khrih dawtnak cungah khan zumhnak ngei zungzal ko hna u sih. Zeicah kan ti a si ah cun Jesuh nih, “Nan nih kan chimhmi hna bia hi thlarau le nunnak cu an si,” (Jn 6: 63)tiah a kan ti khah. A kan chimhmi kha ngaih, zulh zungzal ding a si ko. A dik, a hmaan mi Pathian dawtnak le cawnpiaknak cungah zumhnak ngeih zungzal ding a si.