Theipar

“Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si ; zicahtiah keimah loin nan tuah khawhmi zeihmanh a um lo.” (John 15:5)

A ngandammi theipar kan duh a si ahcun a ngandammi kung he aa pehtlaih a herh. Thatnak theipar kan tlai duh a si ahcun, thatnak hrampi a simi Jesuh Khrih ah kan hram kan bunh ve a herh. Midang pakhat khat kha thil pek kan duh a si ahcun kanmah hrimhrim nih pek kan duh mi thil kan ngeih hmasat a herh bangin Jesuh thawngthabia midang sin pek le cheuhbauh kan duh a si ahcun kanmah hrimhrim nih Jesuh Khrih he kan i pehtlaih hmasat a herh.

That lo nak le chiatnak lungthin lawng kan chungah a um a si ahcun zeitikhmanh ah kan lungthin a dai kho lai lo. Thatnak le that lonak cawh thup in a umnak hmun kan vawlei pi ah hin Khrihfa mi hna nih thatnak theipar tampi kan tlai a herh. Nikhat Pa Pathian hmai ah kan tlai ning le kan sining tak tein biakhiah kan si lai caah Pathian duh mi dawtnak theipar tlai khawh ding hi i zuam zungzal ding a si.

Jesuh Khrih ah kan hram kan bunh a si ahcun kan theipar cu a ngandam lai i pawngkam a ummi hna caah thluachuahnak tampi a phur kho tu kan si ko hna lai.