THUMKOMH PATHIAN PUAINI 

Phungthlukbia 8 : 22 - 31 – 

Psalm 8 : 3 - 8 (Lehnak 8 : 1)
Rome 5 : 1 - 5
John 16 : 12 - 15 

Thiang Thlarau nih ceunak a kan peknak thawngin Pathian cu thumkomh Pathian a si i Pa le Fapa le Thiang Thlarau an si tiah a kan zumhter. 

Thumkomh Pathian, Pathian pakhat timi cu Pum (person) Pathum fonh in Pathian pakhat a sinak kong cu 

vawlei cung minung ruahnak (thluak) nih a phanh khawh lomi biathuk ngaingai a si. Theih khawh ding zong i zuam phung a si lo. Zumhnak thluak tu in hngalh a rak si deuh. Mah kong kan fianter khawh, kan hngalh khawh ahcun Pathian tluk kan si cang lai i Pathian biak a hau ti hnga lo. 

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo Mt. 11:27. Cu bantuk thiamthiam cun Thiang Thlarau zong Pa le Fapa he then awk a `ha lo.