Pathian Biahalnak (Matthew 16:13-19)

Matthai nih a cathiang chungah a langhter mi cu: Jesuh nih, “Mi nih Mi Fapa hi aho a si, an ka ti dah? tiah a hal hna.” Cun a hnu in a zultu hna kha a thawh hna i, “Nannih tah, aho a si nan ka ti dah? tiah a hal hna.” A cheu nih Tipil petu Johan a si, an in ti. A cheu nih, Elijah a si, an in ti, a cheu nih Jeremiah maw profet pakhatkhat dik a si, an in ti, tiah an leh.

An leh mi bia hna nih Jesuh lung a tlinh kho lo. Jesuh nih zultu hna lei hoih in a hal ve hna tikah Simon Peter nih tling tein le fiang tein a rak leh khawh: “A Nungmi Pathian Fapa, Messiah kha na si,” tiah a ti. 

Nihin ni caan ah Jesuh nih nang le kei zong hi bantuk biahalnak hi a kan tuah ve ko. “Nang teh Mi Fapa hi aho a si na ka ti dah? tiah kan hal ve sehlaw zeitin dah kan leh ve cio hna hnga? Dai tein in maw khua kan ruah hmasat hnga i kan leh hnga, asiloah, Peter bangin direct in kan zumh ningin le kan lungchung in a rak chuak mi si ning tak tein kan leh ve hnga? 

Bawipa Pathian sinah zumhnak fek ngeih khawhnak le fimnak he bia leh thiamnak veel thluachuah hal zungzal ding kan si. “Jesuh, Ka Bawipa le ka Pathian, Nangmah cu A Nungmi Pathian Fapa, Messiah na si.”