Ruahchanhnak i Thawngthanhtu

Pope Francis nih mino pawl kha ruahchannak i thawngthanhtu si hna u a ti

Pope Francis nih Italy ram Amalfi rilikam i Sorrento khuapi ah 27 June in 3 July tiang an tuahlio mi a voikhatnak Vawleihuap Mino Khualtlawngmi rianhnak Tonpumhnak (Global Youth Tourism Meeting) ah mino pawl kha “Ruahchanhnak le hmailei caah hring`thannak he pehtlaimi thawngthanhtu si hna u” tiah video biacahnak in tha a pek.

Deborah Castellano Lubov in

Global Youth Tourism Summit cu “Khualtlawng mi pawl rianhnak ah mino pawl i tuahkhawhnak le kuttonh pehlaihnak kha cawnsan dingah” UN World Tourism Organization nih a dirhmi platform a thar pakhat asi.

Cu tonpumhnak nih ram phunkip i thil sicanning hna, rian`tuannak i ceihnak hna le fim thawhnak hna an i tel i ngakchia pawl le mino pawl caah ruahnak thar chuahpinak hna, tinhmi hna le anmah chimhmi hna kha an hmunle cio ah caansau a hmun hnga mi khualtlawngmi rianhnak, 2030 Agenda chungah ‘an hmunmi `thanchonak’  ceihmai dingah a hleikhun platform pakhat a pek lai tiah website ningin hngalh asi. 

Pope nih a voikhatnak tonpumhnak ah aa telmi mino pawl kha lunglawmh biakchawnhnak in a thawk.

Sianghleirun siangngakchia hna caah khualtlawnnak rian cu `thal siangkhar caan he aa kheng  timi kha  a hngalhpi hna i cu caan hna ah nan i tonmi pawl cu  “nan thinlung chungah a taang peng lai” tiah a ti.

Hrimh `thannak ca i nuamhnak le i dinnak hlei ah, nan lak i micheu nih hmunkhat um khawhnak phuhri saknak bawmh dingah nan caan kha mahte in mi rianhnak ah nan hmang. A dang pawl nih an chungkhar hna pek awk ah asiloah an i cawnnak ah anmah le anmah an i bawmh awk caah rian hmete `tuannak in anmah le namah an i  pek. A dang pawl nih cun Pathian he um dingah le an lamtluan ah ceunak co dingah  dai tein an caan kha hman in thla an cam.

Patling/nutling siawk ah mah le mah lamhruai ding abipit zia kha Pope nih papek in a chim. Na caan kha tuahawk `tuanvo thinlung ngeihnak le `tha tein hman dingah thazaang kan pek a ti.

Pope Francis nih “Dawtmi mino pawl, hmailei i rauhchanh mi thawngthanhtu hna sihram u” tiah bia a dongh ter.

shorturl.at/eos01