ZARHKEL VOI (18)NAK ZARHPI NI

Voikhatnak Bible - Phungchimtu 1:2, 2:21-23

Psalm - 95:1-2, 6-9 (lehnak 95:8)

Voihnihnak Bible - Kolos 3:1-5, 9-11

Thawngṭhabia - Luke 12:13-21

Ruah Ding Tete Hna…

1. Vawlei cungah minung nih khua kan sak tikah kum zeizatdah kan nun lai. Mah kan nunchung i kan ṭuan kan tuahmi vialte hi aho caah dah a si. Ṭuanlen ko, khon len ko, hman manh loin thihtak cu pak palawng nunnak a si.

2. Arum ngaimi lothlopa tuanbia ruah ding.

3. Minung nih kan nun chungah rum le ngeih le fimthiam a herh lo maw? Herh hen ta, a si nain Pathian duhning tein rum, ngeih le fimthiam a herh.

4. Vawleicung thilri kha ruah loin vancung thilri tu kha faak deuh in kan ruahawk a si. "Zeicahtiah nan thi cang i nan nunnak cu Khrih he Pathian chungah aa thup, nan nunnak taktak cu Khrih kha a si i amah cu a langh tikah nannih zong amah sin ahcun nan lang ve lai i, a sunparnak cu nan i hrawm lai (Kolos 3:3-5).

5. Khrihfa pakhat nih vawlei cung kan nun chungah fimzer ngaiin nun a hau. Pathian duhning a si maw (or) keimah vawlei taksa nunnak dah a si timi hi thleidan thiam a hau. Mah pahnih thleidan thiamnak hrimhrim ah hin Thiang Thlarau sinah bawmh hal a hau rih. Chim duhmi cu thlacam zungzal a hau tinak a si.