Zarhkel voi (19) nak Zarhpi Ni

Voikhatnak Bible - Fimnak 18:6-9

Psalm - 33:1,12,18-22 (Lehnak 33:12)

Voihnihnak Bible - Heb.11:1-2, 8-19

Thawngṭhabia - Luke12:32-48

Avoi khatnak Bible – Fimnak 18: 6-9

“Mah zaan cu kan pipu hna sin tu ah cun a hlaankaan in rak hngalhter cia a si. Mah ti cun an hngatchannak an chiahnak a si mi amah kha ṭha tein hngalhnak in a bia kam hna kha biangai a si kha an hngalh khawh lai. Mah ticun na mi hna nih cun miding hna khamhnak le ralmi hna rawhnak thil pahnih kha an hngah ko. Zeitintiah kan ral hna cungah phuhlamnak na tuahnak thawngin kannih cu nangmah sinah na kan auh I na kan thangṭhat. Cucaah cun a thiangmi miṭha hna fa le hna nih an sual thawinak kha a thup tein an tuah i awkhat in a thiangmi phungbia kha upadi ah an ser, mah ticun a thiangmi hna nih cun thilṭha hna le thinphannak hna kha aa khat in an cohlan hna. Cun, cu hnu ahcun an hla hna kha faakpi in an sak hna.

Ruah awk tete

1. Zumhnak timi cu kan i ruahchanmi he pehtlai in kan hmuh hrimhrim lai tiah ruahchannak he hmuh khawh lo mi kha a um hrimhrim tiah a dik mi ruahchannak in hngalh khawh kha zumhnak timi cu a si. Abraham cu zumhnak thawngin khuazei ka kal ti hngalh loin Pathian a zumh ruangah a kal thluahmah ko. A ruang cu Pathian nih a chiahpiak mi khualipi kha aa ruahchan caah a si. Cun a tar hnu pi ah fa ngeih ṭhan khawhnak zong a zumh i a ngei taktak.
2. Jesuh nih nihin tuanbia a kan chimhmi ah, vawlei cung thilri le phaisa, mifir, ṭhitumhnak puai in a rak ṭin lai mi Bawipa le a sal hna kong a kan chimh. Abiapi ngaimi cu hi leicung kan nunchung kan kawl tak hnga dingmi thil hna cu arawk kho lo, a tlau kho lo, a rop kho lomi le zungzal in a hmun dingmi thil hna kha kawl dingah a kan cawnpiak. Hi vawlei cung caah kawl loin Vancung Pennak ca tu ah kawl dingin a kan chimh.
3.  Vawlei cung kan nunchung ah thi dengmang in kan kawl lengmang ding mi cu Jesuh a si awk a si. Jesuh kan ngeih khawh hnu cun kan herhmi thil vialte cu amah nih a tuaktaan a kawl dih cang lai i leicung ca he vanram ca he tlam a tling dih ko lai (Job. 22:24-26).
4. Mah tuanbia a kan pek mi te hi zumhtlak sinak le thathut lo dingin ralrin peknak ca zongah a si. Zumhtlak sinak cu caan saupi tiang a nguh i sullam ngeimi zei bantuk he i pehtlaihnak paoh ah a hram a si. Pathian zong nih zumhtlak si awk ah fimnak le thazaang a kan pek mi hi hngalh khawh i zulh khawh i zuam zungzal a hau.
5. Pathian nih tam deuh an pek ahcun tam deuh an hal ve lai; tlawmte lawng an pek a si ahcun tlawmte lawng an hal ve ko lai (Fimnak, thiamnak, rumnak ...).
6. Maw Bawipa, tuahawk ka tlolh sualmi hna cungah na ka ngaihthiam i na ka zohkhenh zungzal ko. Maw Bawipa na sinah zumhtlak ka si khawh zungzal nak hnga ka tonmi harnak kipah teinak ka pe hraam law cutincun na rian ka ṭuannak kipah ṭuanchuah khawhnak caah fimthiamnak, ruahnak le intuar khawhnak thazaang ka pe chih hram ko, tiah thlacam peng hna u sih.