Nu tlawmdeuh nih Siangbawi `tuan an duh

Rome khua ah Nu thlawmdeuh nih Nu Siangbawi rian pekding duhnak an langhter

Catholic Bupi nih a thlauhmi, nu Siangbawi rianpek in hmunhma peknak kongkau kha Rome khua i nu tlawmdeuh nih cacawn nikhat ni ahkhan duhnak an rak langhter.

Duhnak langhternak cu vawleicung ramkip in Cardinal hna meeting kha cohlang in an tuahnak inn i a lenglei ah Bupi uktu phu (Rome khua i a ummi Biaknak lei zulhphung sikaan hna kha nawl a ngeihmi phu- Roman Curia) i zulhphungphai hna kha thlenremh dingin an duhnak an langhter mi asi.

Kha nu hna nih Mirang holh in “Nu hna kha Siangbawi cannak nawl kan pe ve uh! Nu le pa thleidan ticu sualnak pakhat asi. Nu hna nih thlenremhnak kan thawk cang. Khrihfa Bu nih kan ngaihpiak uh! Hika ah mi sawhsawh nakin ahleikhun mi nu hna kan um” tiin an rak au cu asi.

Vatican police hna nih duhnak a langhter mi nu hna kha an auh i an hal hna tikah, khi nu hna nih, khrihfa budang biakinn hna i nu hna bangin Siangbawi cannak nawl pekve dingah leemsoi kan rak forhfialnak cu kum tampi a rau cang tiah an leh.

Pope Francis cu zarhteni ahkhan, amah rocotu ding Cardinal thar (20) hna he meeting an rak tuah.

Pope Francis cu 1924 kum i hmasabik Pope Salestine (5) nak i thlan lungkua ah a kal i thla a va cam hnu ah, 2013 lio i a rak i dinhcang mi Pope Benedict (16) nak sinah a va leennak zong, mihna nih Pope Francis cu tuhrawng hrang hi atu le atu leeng (wheel) cung lawnglawng ah hmuh asi ruangah Pope Benedict bantuk tuantein a chuak kho men timi ruahdamhnak hna zong a rak chuak`than tiah an ti.

Ahrampi>>> https://bit.ly/3AAdf1Q