Mino le kawltung

DALKHATNAK

MINO LE KAWLTUNG

Vawlei cungah tinhnak kawltung ngeihlo in kan nun ni hna cu a rocar taktak i umhar awk ngaingai asi. Hmuitinhnak umloin kaarhlannak phun hna cu nunnak ah asungtu pakhat bantuk asi ko.

Ruahchannak umlo mi nunnak kha ahohmanh nih nun duhnak lungthin an ngeilo. Tinhnak kawltung a lohtlaunak cu lamkal buin lam a tlaumi bantuk asi. Mahlemah kha Kan nun hi sullam ngeihlo bantukin kan intuarh.

Kawltung nih a fianglo a mawko nain kawltung leiah ka zahlio ko timi hngalhnakte a umko ahcun harnak hna hmaitonh dingah thazaang tlawmpal a umrih. A tlawmbik ah khika a ngawinak zawn ah kha lawngzahnak in zah, hi a ngawinak zawn ah hin, hi lawngzahnak in ka zah lai timi lungthin tein thazaang kan chuahkhawh rih.

Nang nih tinhmi kawltung pakhat na ngei maw? “Nikhat lamkhat. Pagan khua khoikadah a tlikzam lai?” timi bia cu, na cawlcangh chung paoh nizan nakin nihin ah kawltung he naa naih deuh ko lai.

Nunnak ahhin zeibantuk kawltung phun dah kan chiah lai? Kan nunnak ah ahmaanmi kawltung pakhat a fekmi rikhiah khawhnak cu nangmah i a caan le hmuhtonnak na ngeih a hau.

Na ngakchiat lioah si na duhmi pakhat hnu pakhat a rak umbal cio ko lai. Si ka duh taktak mi asi tiah na rak i ruah nain ahnu ahcun duhnak ka rak ngeibal tinak menmen in a caan nih a rak liam.

Kan ngakchiat lioah zukcawl kan zohdih in kha muicawl chung i pa ral`ha hna nunnak kha kan hngar hna i khimi hna bantukin i zuamve ding lungchung in kan ruahbal cio lai. Kan ngakchiat lio tucu mah siduhnak kha chunmang manh hna in i hruhchih kha kan lung a rak tling.

Chunmang manhnak phunphun he i hruhchihnak zong kha nulepa hna nih soisael lem loin tha tu an rak pek hna. Ralbawi siduh ahcun plastic meithalte hei cawkpiak. Taingthiam mipa a siduh ahcun thing in saihmi namsau hei cawkpiak. Sibawi si na duh maw? Engineer si na duh maw? Na chunmang ahcun na si taktak ko lai.

Chunmang hna cu zaanmang ah a cang i. Zaanmang hna nih tinhnak kawltung ah a hung cang. A ngan a kau ngaiin chunmang manh mi hna lawng nih a ngan, a kau ngaimi sikhawhnak lam a um deuh.

Chunmang timi cu a tak in hmuhmi asi. Khi hmanh kha semrel in an um rih.  Lungchung duhnak caah zuk nakin na nunnak lamhmaan, mah lung nih a duh taktakmi thazaang a `thawnnak deuh nunnak kha kawl i hmuhkhawh asi.