FABC tonpumhnak ah Pope Francis i hramthawk biacah

FABC tonpumhnak ah Pope Francis i hramthawk biacah

Federation of Asia Bishop hna i kum (50) tlin tonpumh biaruahnak ah Pope Francis nih thazaang peknak biatawi a chim.

Mah a chimmi cu;

            Duhdawtmi Asia miphu chungtel zultu u le nau hna nan phufonh tuahmi hi (1970) kum in rak derhmi phu asi. Ka u le nau hna khahlan i Pope asi mi Paul (VI) nak i a chan lioin Asia leiṭhen chungah cun atu bantuk in phu ser dingah ceunak a rak hmuh. Mino a tam deuh kha rak thim in phu an i fonhtonh. Asia leiṭhen cu “nunphung le nunfek tein zumhnak hna he a tlingmi inn pakhat” tiah min peknak a hmuh. Atu bantuk phu sernak kong hi minung pakhat i a van nih ri a khiah cangmi asi timi zumhnak phungphai chungin khulrang ngaiin chuah, minung pakhat sinak in kan i zuam paohpaoh cun “Kan tuh bangin kan zun lai” timi hlan bia bang kan van cu minung sining cang in nun thiamnak kong he pehtlaih in Bishop hna nih an rak i fiang.

            Mino pawl nih mah konglam hi ruahnak menmen, thinphan thlalau in aum mi, lungsau thinfualnak a ngei lomi, zumhfehnak a ngei lomi hna pawl cu nunphung ruangah aa ṭhenṭhek dihmi hna asi caah miphuu pakhat khomhkhawhnak ding caah aherhmi sining kongkau he pehtlaihin a thawhter hna. Asia Catholic Bupi biaknak timi cu sifak harsami hna caah, Asia leiṭhen chung i a dangdang Khrihfa biaknak miphu hna caah tonbiaruahnak Bupi tiin fiangdeuh in theih asi.

            Dawtmi u le nau hna atu bantukin lungkhat thinkhat tein tonbiaruahnak hi nan tuah cang hna. Chuakṭikhat unau bantuk tein keimah zong nanmah he hmunkhat in kan umṭi i nanmah nih nan i timhmi hmuhsak biaruah dingmi ruahnak a phunphun hna he khat le khat zaceu tein thlennawnnak he tuah ding, mah tonbiaruah pumhnak hi pello tein tuah khawh peng ding le baulo tein telkhawh peng ding in i zuam hna uhsih. Mah ti kan tuahnak thawngin tonbiaruah pumhnak hi atu nakin hmailei ah a letin a rak ṭhawngdeuh te lai.

            Pope Francis nih a chmimi lakah abiapi bikmi biatlang cu “Thiangthlarau Pathian cu Asia Catholic Bupi biaknak he pehtlaiin zeidah ceunak pek in a kan fial hnawh chanmi hi asi?” timi le “Mah fialhnawh chanmi kha nanmah nih zeitin dah nan leh lai?” timi hna kha an si. Hmaileiah kar hlang chinchin uh. Catholic Khrihfa hna nih tipilnak sacrament an innak thawngin an tuah hnga dingmi rianpawl kha anmah si khawh ning tein an i pekchanhnak cungah tuahter ko hna uh. Minung vialte nih an tuah khawhmi sining cang, thazaang ṭhawnnak, zaangdernak hna kha upat piak hna uh. Zeica’h tiahcun kan Nu Bupi huapin lungkhat tein aṭuan ṭimi kan si lo. Bupi cu Van le Vawlei he aa pehtlaimi Bu asi.

            “Pathian nih nan zapi tein thluachuah inpe ko hna seh. Nan caah Thla kan campiak bantukin nanmah zong nih ka campiak ve uh, Ka Lawm.” tiin a bia cu adonghter.

Hi thawngpang hi RVA English Service in kan lakmi asi.