Pope Biacah

Pope Francis nih nihin 27 March, 2020 (Ninga Ni) ah Covid-19 zawtnak in a zawmi le har tongmi vialte hna caah St. Peter Basilica Biakinnpi ah amah hrimhrim hruainak in thlacamnak a tuah lai tiah thawng a kan thanh. Cu thlacamnak a tuahlio caan ah TV, Smart phone in siseh, mi vialte i telkhawh ve dingin a sawm hna.

Cu thlacamnak ah a telkho mi vialte hna cu Plenary Indulgence “Hremhum in luatnak” (Hremhum in luatnak kan timi cu Catholic Bupi cawnpiaknak ah Hleiceh sual ngaihthiamnak kan ti) a pek hna lai i a donghnak ah “Urbi et Orbi” (City and the World – Khuapi in vawlei pumpi dihlak) thluachuah peknak in a dihter te lai.

Cubantuk thlacam `ti tuahnak caan cu sml 18:00 (Rome Time); 11:30 pm (Yangon Time) ah “Mondovisione le Vatican News” Channel hna hmangin LIVE in an thlah te lai.

Hi konglam he pehtlai in Catholic Bupi Hruaitu umnak hmun “The Holy See” nih pengkip um Bupi hruaitu hna sinah kapkhat le kapkhat pehtlaih khawhnak thil “Means of Communication” hmangin zumtu Catholic Khrihfa si hna seh. Kan hawi budang vialte hna zong, an dihlak in thawngthanh dih dingah le i tel khawh ve dingah forhfialnak a tuah.

Bupi hruaitu hna nih sawmnak ca an thawngpang an thanh bangin, vawleicung um minung vialte hna zong nih Covid-19 zawtnak ruangah har a tongmi hna caah Pope Francis nih thlacam hrawm`tinak a kan sawmnak ah telkhawh i zuamcio hna u sih!