Adventu a zarhkhatnak i Pope Biacah

Pope nih Pathian cu nifatin kan tonmi thil hna ah a um tiah a chim

Adventu a zarhkhatnak zarhpini ah Pope nih ‘nifatin kan nunnak ah ahmete asi hmanhah Pathian kan sinah a um timi vun hngalhṭhannak cu aṭha ngaimi asi’ tiah a chim. November 27 ni i Angelus Thlacamnak ah Pope nih a biachimhnak ah cu kong cu kan thinlung chungah hngalpeng hna u sih. Pathian cu kan nunnak ah a thup tein a um i zaran le menmen dirhmun in a um tiah a chim. Pathian cu a hleikhun mi hmuhtonnak ah ralo in nifatin hmuhton mi men cungah a ra tawn tiah a chimchap.

Nifatin kan rianṭuannak hmun i kan i tonṭinak, a baumi pawl mithmai ah Amah cu a um i  meikhu a pawl mi he mi a simhter mi ni hna kan tontik zongah a kan auhkawhtu Bawipa cu cuka hmun ah kan hmu i kan tuahmi hna kha thazaang a kan pek i bia a kan chimh tiah a ti. Pope cu St. Peter cerhmun in hmuhkhawhnak hmun thlalangawng tein Adventu caan kong a chim i, ‘hi caan cu Christmas i Bawipa a ratnak ca i timhtuahnak caan asinak kong a chim, cuhnuah Pathian cu zeitin kan cohlan lai i kan don khawh lai timi ruahnak chiah in biahalnak a tuah.         

“I hlauh, i hliphlau le ṭhatein a hngah pengmi’ si awk a biapit zia a chim. Pope nih St. Augustine i a chimmi “A ka lonhtu Bawipa ka ṭih” timi i laak in a chimchap. ‘Cucu, a ka lanhtak lai i ka thei sual lailo ti ka phang’ tiah Pope nih a chimbeh. Cu ni i relmi Matthai Thawngṭhabia chung i Jesuh Khrih nih a zultu hna a pekmi ralrin peknak kha a langhter.

Pope nih minung pawl hi an thilri hna he nuamngaiin an umlio ah tilian a tho lai tizong an hngallo.  ‘Hi Adventu caan ah i hngilhnak in i thang usih law aa hlerhlau lomi in thawn hna usih’ a ti.

Mah le mah i hal hna usih: zeidah ka tuah ti ka hngal maw, ralring te le fimtein ka um maw, ka hliphlau maw? Nifatin ka umtuning ah Pathian a um ti theih dingah ka zuam maw asiloah ka lung a vakvai i ka hnok cemcum maw?

Nihin a ratnak hngallo in kan umsual asiahcun caan a donghnak i a rat tik zongah timhtuah lomi kan si sual lai. Cucaah ulenau hna ralring le i hliphlau tein um usih.

https://bit.ly/3GMKS5b