ZARHKEL ZARHHNIHNAK ZARHPI NI

Voikhatnak Bible - Is. 49 : 3, 5 – 6

Psalm - 40 : 2, 4, 7 - 10

(Lehnak - Bawipa na duhnak tuah awkah ka ra. Hika hin ka um ko.)

Voihnihnak Bible - 1Kor. 1 : 1 - 3

Thawngṭhabia - John 1 : 29 – 34

RUAH DING TETE HNA

1. Pathian nih Isaiah a chawnh lio ahkhan Jesuh chuah lai nak kong lawng siloin mi zapi, Israel miphun vialte hna ca zongah a chawnhchih.
2. Sualnak hi Pathian sin kalnak lam ah i chuih sual i rilhnak faak bik pakhat a si. I chuih sual timi cu chuih sual a si ko. Timhcia tein i chuih a si lo. Cucaah cun i chuih sual lo ding kha a biapi tuk hringhran. Kakalnak lamah zeidah a um ti kha fiang tein zoh hmasa a herh.
3. Sual hi zei ko khidah a si? A phichuak cu pahnih in a um kan ti lai cu. (1) Pathian nih a duh lomi, tuah hlah uh tiah minung thinlung chungah a chiahmi tuah le (2) Tuah awkhnga tiah kan thluak chungah a chiahmi tuah lo (or) tlorh hna hi sual an si.
4. Sualnak chung hin aho nih dah a kan chuah khawh. Jn. 1 : 29 chung kan zoh ahcun, "Pathian tuufa hi vawlei sualnak a kalpi tu khi" a ti.
5. Paul nih Korin khuami a ti hna bantukin Jesuh Khrih ngeih dingah le mithiang si ding ah kannih vialte hi auh kan si. Cucaah cun kan sualnak vialte hlawt, Pathian nih a fa ah a kan thim cang. Pathian sal le ralkap ṭha kan si cang i Pathian tuufa hi vawlei sualnak a kalpitu he khan I komh in sualnak ral kha kan doh.
6. Thawngṭha chimtu dingah le a ceunak karhter dingah Jesuh nih a thi in a kan thenh cang. Sualsal sinak in a kan luatter cang. Cu lengah a dawtnak le a velngeihnak thawngin veel le hnangam daihnak a kan toih hnu ah Thiang Thlarau ṭhawnnak zong a kan pek chih rih. Hi vialte hi kan nunchung a caankip kan ngeihmi ah thar chuah, ruah ṭhan, philh lo ding zungzal kan si. Kalati 5 : 1 ah a luatmi kan si cang. Khrih nih a kan luatter cang. Cucaah fek tein dir u law, sal ah khan i ser ṭhan ti hlah u.