NU HNA NI AH

NU HNA NI AH

Pope Francis nih zeizongte kha Nu Mary sin a pekchanhnak kong “Nu hna Ni” ah achim.

            (14 May 2023) ni cu Vawlei cung i a ummi “Nu hna” kha conglawmhnak ni tiah rikhiah in puai an tuah cio. Pope Francis zong nih Van le Vawlei ah aum mi dihlak kha Bawipa Jesuh i nu Mary sin a pekchanhnak kong May (14) ni, chunlai thlacamnak tuah ding ah St. Peter hmunrawn ah arak i pummi, Pathian biak ah a ra mi hna kha a chimh hna.

            Nule hna puai ni kha Vawleicung ram tampi ah an tuah cio. Nu le vialte, kannih he hmunkhat in a ummi hna, umtilo in Vancung khua a phan cungmi hna kha dawtnak, an cung lunglawmhnak hna in i theihṭhan hna usih! (Philhhlah usih!) a dihlak kha Bawipa Jesuh i a nu Mary kha ka pekchanh tiah a chim.

            Ukarine ram le ral ruangah hliamtuar, fahnak le sunghnak, sifah harnak a tonglio mi Vawilei cung ram hna ca zongah phorh rit, zaanter dingin a kan bawmhnak hnga Nu Mary sin thla ka campiak hna, a hleice in a tu lio raldohnak a fakmi Israel le Palestine karlak ah a cangmi ral mei kha a rannak in hmihpiak ding, daihter ding zongah thla ka cam. Hriamnam hna i tlaih in thil sicanning daihnak le himnak a um khawh lai lo le, asikho dingmi ruahchanhnak hna hmanh kha hrawhnak kan inglainak kong arak chim.

            (14 May 2023) ni ah kan relmi Bible he pehtlaihter in Pope Francis nih Thiang thlarau Pathian cu kan nun lamthluan i nunchung hawikomṭha sinak in kan cohlan lai. Thiang Thlarau Pathian cu kannih he hmunkhat in a um a herh; hnangamternak, zaangfahnak he tha akan pek dingah kan nunnak chungah a um zungzal lai awk asi. Kannih he hmunkhat in a um ding kha kan herh. Amah cu khuallam aa ton caah arak i dinta mi, khualtlung asi lo. Kannih kan nunnak hawikomṭha asi. Daite in a um. Amah cu a thin asau, kan tlukrilh sual hmanh ah kannih he zumhtlak sinak in a um ko. Kannih kha a kan dawt i zeibantuk sining kan phak hmanh ah kan nih he hmunkhat in a umpeng lai.

            Pope Francis nih Pathian leen ah a rami hna kha an nunnak ah Thiang Thlarau kha a tu le a tu an auhmaw auhlo ruat dingin le philh lo ding kha a forhfial hna. Thiang Thlarau Pathian cu kannih he aum zungzalnak kong le a kan hlawt bal lai lo, tiah zongin a chim. Harnak hneksak nak he kan ton tikah Thiang Thlarau Pathian, nih a kan hnemh lai. Pathian ngaihthiamnak le thazaang a kan phawrhpiak lai.

Kannih cu Thiang Thlarau aw thawng kha tam deuh in kan ngaih i toidorte in a nawlngaihthiam ding, kan nunnak chungah Thiang Thlarau a umnak kong zong kha hngalh ding, Nu Mary i nolhṭhan in thlacampiaknak zong hal ding, Thiang Thlarau Pathian sin kan hal sicun a hmaannak kha cohlan ding, hmuh dingin kan dornak asinak kong, kha a hmaannak thawngin kannih cu a palhmi khuachia zumhn ak hna in kan i hlaat lai. Kannih nunnak ah a biapi bikmi a hmaannak cu zeidah asi? Kha hmaannak cu “Kannih cu Bawipa Pathian i a dawtmi a fale hna kan si” tinak asi, tiah a chim.

    RVA holh lettu: Fr. Clement Aate

htt ps: // bit. Ly// 3pzok7D