Lawmhnak Chuahni

Covid-19 zawtnak caanlio ah Pope Benedict nih a chuahni ah puai a tuah. . . .

A rian in aa din cangmi kan Pope Benedict XVI cu April(16), 2020 ni ah kum(93) a tling cang. Corona virus ruang i Lock-down an chiah lio caan ah mah le inn cio ah i khumh caan le um caan a si ko nain Vatican chung i a ummi Mater Ecclesia Siangbawi umnak inn ah a chuahni puai a tuah.
Covid-19 ruangah zei bantuk mileng hmanh an i tel kho lo nain phone in siseh, Email in siseh, a chuahni caan ah thlacam piaknak ca tete ka hmuh ko hna tiin Pope Benedict XVI i chungtuan (Secretary) a simi Archbishop Georg Ganswein nih a chim. Dai tein tuahmi a chuahni puai ah Missa raithawinak, thlacamnak le ruah dingmi thawngtha bia hna leng in Pope Benedict XVI i a chuahnak khua a simi Bavaria in an khuahla tlawmpal zong a ngai tinak kong, kan Pope Benedict zong a leng i thil a cangmi Corona zawtnak tthalo he pehtlai in amah le a caan ten theihkhawhnak in harnak a tongmi vialte hna caah a hlei in thlacampiak a tuah tiin Archbishop Ganswein nih a chim chap.
Pope Benedict cu 2013 kum ah khan Tuukhal rian a simi Pope cannak in aa din cang mi a si i Pope hna i an chan chung kum(600) chungah amah duh thimnak in aa din mi, a hmasabik Pope a si tiah CNA thawngzamhnak in kan theih.