Hawikom `Tha

HAWIKOM THA THIM LAW MANNGEIH TEIN CHIAH

Hawikom `tha ngeih cu nunnak teinak hmuhnak caah bawmtu `thabik asi. Hawikom `tha kan ti khawhnak dingah mah `thathnemnak kha a duhpiak i a tuahpiak tawntu, kan zumh caah chimhmi biathli a phuanglotu, lungsau in a kan bawmhtu, rumkhat sifak khat zeitik hmanhah thinlungput aa thleng lomi, mah `thathnemnak a duhpitu, adikmi hawikom `tha hna kha i thim in kan komh awk an si. An umlo ahcn nan kawl hna lai. Sihmanhsehlaw hawikom `tha hmuhkhawhnak ahcun mah pumpak hrimhrim nih hawikom `tha kan si a herh. Hawikom `tha nunning he aa tlakin kan um kan chim thiam lawngah mah zong nih hawikom `tha kan ton ve lai. Hawikom `tha kan ngeih hnu ahcun manngeih tein kan chiah hna a hau cang. Fawitein hrawh hna hlah! Mah duhnak a tlinlo ruangah theihpalh sualphawt in lam i `thennak hna tuah ding asilo. Hawikom `tha kha thim in manngeih tein zohkhenh, komh thiamnak nih teinak caah tawhfung pakhat asi kha hngalh awk tlak te asi.