Phaisa konglam chim rel in

     Phaisa konglam chimrel in ngandamnak lei congh hramhnak kha daithlan lo dingin kan Pope nih a forhfial Phaisa dihnak konglam kha chimrel in ngandamnak lei rian-ttuantu pawl le mizaw pawl karlak i tinhmi conghhramhnak a zor lo nak hnga cacawn ninga ni (September 11) ni ah ram vialte he pehtlai mi Cancer zawtnak a khammi phu he ton in Pope Francis nih a chim. Minung pakhat le pakhat zawn i ruah in i conghhramhnak ah doctor pakhat lawng he aa saing lo i ngandamnak lei rianttuantu dihlak he aa pehtlai dih.

     Ngandamnak lei conghhramhnak ah a dih dingmi konglam lawng kha chimrel i zawtnak ruangah a zawmi hna kha zeirel loin um ding an si lo. A zawmi dihlak kha zawnruahnak ngeih in mah le nunnak caah rianttuan ding, mizaw pawl kha an i thlopbulnak ah an zawtnak lawng siloin anmah i an ruahnak, hngalhtheihnak, thlarau lei zong in thlopbul piak an hau. Zeiruangah ticun mizaw pakhat cio hi minung an si ve caah a si. Curuangah zeibantuk sii-ai dah an herh i zeitindah an din ah an dam lai timi kha hrilhfiahnak lawngin a za lo. Mizaw pakhat cu a zawmi a si ko nain thlum-al ten chonhbiak i conghhramh/ thlopbul ahcun doctor pawl i an thiamnak, sii-ai i a tthawnnak hna kha aa fon lai i a let in a ttha deuh lai timi kha kanmah i kan ton ding cio in vun ruat tthan hna usih.

     Mah tikah a tthahnem mi thil, a chuak lai ti cu a fiang ko. Pope Francis cu a miak hmuh ding lawng kha i ruahchan loin thlopbulnak ah a herhmi vialte a bawmchantu pawl phu kha ttihzah upatnak bia a chim dih hnu ah zawtnak kawlnak ah phaisa a herh ding cu a hmaan ko. Asinain zawtnak kawlnak le thlopbulnak hna hi aa buaktlak tein nan ttuan lai ti zong ruahchannak ka ngei. Mah thil sining pahnih ah mizaw pawl kha sii-ai in thlopbul ding kha papek a herh. Cubantuk tthiam tthiam in ngandamnak lei rianttuantu vialte nih an thiamnak dihlak chuah in thlopbulnak an tuah khawh ti zong philh ding an si lo.

     Cu ruangah a tthatuk pi a va si lem lo hmanh ah thadam ten an i dinhkhawhnak ding hmunhma zong tuahpiak hna i, cu hnu lawngah a herhmi thazaang zong an hmu tthan kho lai i an rian zong an tlamtling lai. Cancer zawtnak khamnak phu hi 1985 kum ah dirhmi a si. Tu kum an meeting cu Covid zawtnak ruangah i ton in tuahkhawh a si lai lo caah timhcia dihmi a si cang bangin (Sep 10-13) ni tiang Online in meeting tuahnak an ngei. #RVAHakhaChin #ngandamnak #PopeFrancis