ZARHKEL (30) NAK ZARHPI NI

Voikhatnak Bible - Ex.22:20-26

Salm - 18:2-4, 47,51 (lehnak 18:2 )

Voihnihnak Bible - 1Thes 5c-10

Thawngtha Bia - Mt 22:34-40

PHUNGCHIM DING AMURU

• Nihihin thawngtha kan theih mi cu nawlbia kong deuh an si. Pathian nih Moses sin in nawlbia pahra a pek ti cu zapi hngalh a si. Jesuh chan a phak tikah Jews miphun chungah biaknak lei hruaitu hna nih cun nawlbia 613 an chuahpi cang. Cu chung ahcun tuah uh ti mi hi 248 a si i tuah hlah u ti mi hi 365 a si.
• Hi vawlei cung Khrihfa kan si lio, Vancung lam lei kan kal lio ah hin kan pawngkam le kan u nau pawl hi zeitin hmanh hrial awk an tha lo. Anmah pawl he i pehtleih le i hmuh ton zungzal a si lai. Minung cut amah lawng in a um mi phun kan si lo caah a si.
• Pathian dawt kan i zuam ko nain kan u nau le kan innpa dawt hi kan tlawlh theu tawn. Jesuh nunzia hi kan i cawn awk a si. Jesuh cu a pa a dawt ruangah kanmah vialte zong a kan dawt chih dih. Minung kan caah cun, kan dawt, ti chim cu a fawi tuk ko nain a taktak dawt cu a har ngaingai. Dawt, timi a sullam cu, a tawinak in cun kan dawt mi hna caah intuarnak, pekchanhnak le temh innak kan ngeihpiak khawh khi a si.
• Pumpak in siseh mi bu in siseh kan u nau le kan inn pa kan dawt ti mi cu, sifak santlai lo bawmhchanh le zohkhenh, kha a si. Hi ti kan tuahnak thawngin Pathian thawngtha kha kan lakah a karh ter mi kan si lai.
• Ni fatin kan nunnak ah dawtnak kan ngeih le ngeih lo hi hneksak peng kan si. Kan thih lai ni caah timcia kan si nakhnga hi hneksaknak hi kan lonh kho tawn maw, a u nau hmanh a daw kho lo mi cu vanram sungh a si ko lai.
• Nawlbia lakah a zei hi dah a biapi bik tiah Jesuh an hal tik ah, a leh mi hna cu, Bawipa na Pathian cu na lungthin dihlak, na ruahnak dihlak le na nunnak dihlak in na dawt lai. A changtu ah na innpa kha nangmah na dawt bantuk in na dawt lai. Hi hna nih hin nawlbia vialte cu a funtom dih ko hna, a ti.