Aho dah na si?

Jesuh nih a leh mi hna cu: “va kir u law nan hmuhmi le nan theihmi: mitcaw nih khua an hmuhnak le, kebei nih an kal khawhnak le thinghmuimi nih thiannak an hmuhnak le hnachet nih khua an theihnak le a thimi hna nunter than an sinak le sifakmi hna sinah Thawngtha chim a sinak kong kha Johan cu va chim u”(Lk 7:22).

Bawipa nih a thawng bik mi thlennak thawngtha a chim mi cu a tuah sernak in a langhter hna. Cuticun a tuah sernak hna zong cu Amah hi a ho tak dah a si ti kha a langhter fawn. Zeicah kan ti a si ah cun Amah cu thatnak vialte cuah nak hrampi, tiput a si caah a si.

Nifa tein kan nih hna zong nih Pathian thawnnak, a kan khamhnak thawnnak kan herh cio ve. Kan thazang dernak chungin thlopnak le damter thannak, cun Amah muisam keng in nun khawhnak hna hi Khrihfa pakhat cio nih kan herh mi a si. Cun Bawipa Jesuh Khrih a tuah ser nak vialte hna hi kan zoh tik ah mi vialte hna cungah va langhter ve dingin Pa Pathian nih a kan duh pak mi a si ve.

Kan Bawipa Jesuh Khrih nih Pathian dawtnak le thatnak kan theih ka hngalh khawh nak hnga ding caah theih a har tuk mi bianabia hna hmang in a kan chim a kan cawnpiak bal lo. Kan theih kan hngah khawh mi, nifatin kan hmuh kan ton mi thil hna hmang in a kan cawnpiak zungzal ko.

Miding mi hna le mitha mi hna kan hmuh hna tikah ah Pathian thatnak le dawtnak kan theih kan hngalh khawh bantukin, mi tha lo hna le mi hrokhrol hna kan hmuh hna tik ah thil tha a doh tu an um zungzal ti kan hngalh.

Tipil petu Johan bantuk in pawngkam um kan chungkhar, kan hawi dawt le hna nih Pathian an hmuh khawh nak hnga Pathian thluachuah le vel hal buin nun i zuam zungzal hna u sih.