Ahodah na si?

Photo Credit
Saturday, January 02, 2021

 

  • Tipil pe tu Johan cu a nun zia le a cawnpiak ning hna ruagah mi tampi nih an fuh i “Ahodah na si” tiin bia zong an hal. Kan nih pakhat cio hna zong nih nifatein kan mah le kan mah hi bia hi i hal ve awk a si. Kan zangdernak le kan palhnak i theih in hmailei caan hna caah kan thancho zungzal awk a si. Kan mah le kan sining cio in kan zang thawnnak kha nifatin kan than ter ve awk a si.
  • Siangngakchia a si mi nih cawnpiak tu saya te nawl ngaih in fimcawn lawng ah tei nak an hmu kho lai. Zung rian tuan a si mi hna zong nih an rian konglam he pehtlai in felfai te in le zulhphung hna tha tein an zulh a si ah cun a thangcho mi phu an dirh khawh lai.
  • Mikip nih kan mah le kan rian cio i theih in felfai tein kan tuan cio a si ah cun man ngei mi kan si cio ko hna lai. Mah le mah tha tein i theih hi a herh hringhran. A caan ah cun mah kong nak in midang hna konglam a thei deuh ngai mi kan lo tawn. Nihin ni ah ruah lo pi in thih a si ah cun kan mah le kan mah kan i theih mi nak in midang nih kan konglam an chim deuh men cio lai dah. Cu a si caah, kan tuan bia aa dawh i tha tein nung thiam hna u sih. Abikin dawtnak lungthin ngeih in nun kan herh.
  • Pathian rian tuan tu hna zong nih mah le thim mi phunglam ning tein nun lawng ah Pathian sal tha sining dir hmun in kan dir kho hna lai. Kan i hruk aih mi thil hna nak in kan chungum mi lungthin Pathian duh ning in a thianhlimh hi a biapi deuh.
  • Cu a si caah, “Ahodah ka si” ti mi hi ruat cio hna u sih.

Add new comment

10 + 1 =

Quick Links