Nan thin phang hlah u!

Bawipa nih: “Nan thin phan hlah u, keimah ka si” tiah a ti.(Mk 6:50)

• Nihin kan theih mi thawgtha hi Galilee rili chungah zultu hna nih thil an ton mi cung i Bawipa nih a chim mi bia a si. Zultu hna an lawng zantim thli a hran caah rili lai ah an phanh nak sining a si i zultu hna zong nih harsa ngai in an tilawng an zahnak sining te a si. zinglei a hun phanh tikah Bawipa Jesuh Khrih ti cung in an sin ah a rat kha an hmuh. Zultu han cu tihphannak nih an lungthin a huh dih hna caah Bawipa hmah kha hngal kho lo in mithla a si tiin an au. Cu lio caan te ah Bawipa nih “Keimah ka si, tih hlah u” tiin thazang a pek hna.
• Zultu hna bangin kan nunnak ah harsa tih phang ngai in kan um kal caan a um ve. Cu lio caan ah khuaruahhar le lung rethei ngai in kan um tawn hna i Bawipa hmanh kha Bawipa a si kan hmu thiam hna lo.
• Nihin kan theih mi thawngtha kan zoh kan ruah than tikah, Bawipa cu kan pawng te ah a um zungzal ko; zeitik hmanh ah a kan kal tal bal lo i thazang pek ding in kan sin ah a ra zungzal ko.
• Cu a si caah, kan kal tak cang mi ni le caan hna ah kan harsat nak hna chungin Bawipa nih zeitin dah a kan bawmh i a veel laksawng he a kan um pi hna ti hi ruat than hna u sih. Zeicah kan ti a si ah cun Bawipa nih a tuah khawh lo mi zeihmanh a um lo caah a si.
• Thla kan cam hnga ding mi cu: “Maw Bawipa, ka nunnak ah tukforhnak le sifah harsatnak ka ton lio caan hna ah Na kut thiang kha fek tein tleih khawh zungzal nak thazang run ka pe ko sawh” tiin thlacam hna u sih.